'પ્રમોશનના બહાને અમારી લાજ લૂંટવા માગે છે IPS ઓફિસર..' 7 મહિલા પોલીસકર્મીનો લેટર બોમ્બ

Jind IPS Case: હરિયાણાના જીંદ જિલ્લામાં તૈનાત મહિલા પોલીસકર્મીઓએ જિલ્લામાં તૈનાત IPS અધિકારી પર યૌન શોષણનો આરોપ લગાવ્યો છે. આ બાબતે મહિલા પોલીસ કર્મચારીઓએ સીએમ નાયબ સિંહ સૈનીને પત્ર લખીને આ બાબતે જાણકારી હતી. તેમાં 7 મહિલા પોલીસકર્મીઓની સહી હતી. 

સોશિયલ મીડિયા પર વાયરલ થયો હતો પત્ર 

જ્યારે આ પત્ર સોશિયલ મીડિયા પર વાયરલ થયો, ત્યારે સરકાર એક્શનમાં આવી ગઈ અને તપાસના આદેશ આપ્યા હતા. આ કેસની નોંધ લેતા હરિયાણા રાજ્ય મહિલા આયોગે એસપી સુમિત કુમારને સમન્સ પાઠવ્યા હતા. તેને ફરીદાબાદ NIT ઓફિસમાં બોલાવ્યો અને તેનું નિવેદન નોંધ્યું.

7 મહિલા પોલીસકર્મીઓના ગંભીર આક્ષેપો

સાત મહિલા પોલીસ કર્મીઓએ ઈમેઈલ મારફત મુખ્યમંત્રી નાયબ સિંહ સૈની, એડીજીપી અને અન્ય વરિષ્ઠ પોલીસ અધિકારીઓને પત્ર લખ્યા હતા. જેમાં આરોપ મૂકવામાં આવ્યો હતો કે, એસએચઓ, ડીએસપી અને આઈપીએસ અધિકારી સાથે મળી હનીટ્રેપ અને સેક્સ રેકેટ ચલાવી રહ્યા છે. આ એસએચઓ અને ડીએસપી બંને મહિલાઓ છે.

30 ઓક્ટોબરે આ કેસનો તપાસ રિપોર્ટ સબમિટ કર્યો 

જીંદમાં મહિલા પોલીસ કર્મચારીઓના યૌન શોષણના મામલામાં મહિલા આયોગ આજે બીજી વખત સુનાવણી કરવા જઈ રહ્યું છે. 30 ઓક્ટોબરે પંચે આ કેસના તપાસ અધિકારી એસપી આસ્થા મોદીને બોલાવ્યા હતા. જોકે, તેમણે તેમની જગ્યાએ ડીએસપીને મોકલી તપાસ રિપોર્ટ રજૂ કર્યો હતો. 

આ પણ વાંચો: 'ક્યારેક ED, ક્યારેક CBI...મારી છબી બગાડવા ભાજપે પુષ્કળ પૈસા ખર્ચ્યા..' દિગ્ગજ CM બગડ્યાં

મહિલા પોલીસકર્મીઓનું શોષણ 

મહિલા યોગ પંચના અધ્યક્ષ રેણુ ભાટિયાએ એસપી સાથે વીડિયો કોલ પર પણ વાત કરી હતી, જે બાદ રેણુ ભાટિયાએ મહિલા પોલીસકર્મીઓને રૂબરૂ વાત કરવાનું કહ્યું હતું. આજે 7 મહિલા પોલીસ કર્મચારીઓ આરોપી SHO અને DSPની સામે તેમની અગ્નિપરીક્ષાનું વર્ણન કરશે. નોંધનીય છે કે આ કેસમાં અધ્યક્ષ રેણુ ભાટિયાની માંગ પર આરોપી IPS અધિકારી, મહિલા SHO, DSPની બદલી કરવામાં આવી હતી.

પોલીસ મહિલાકર્મી આજે મહિલા આયોગ સમક્ષ હાજર થશે

સરકારે 3 નવેમ્બરે ADGP મમતા સિંહના નેતૃત્વમાં આ કેસમાં SITની રચના કરી હતી. બીજા દિવસે 4 ઑક્ટોબરે, ADGP એ જિલ્લા પર પહોંચ્યા જ્યાં આરોપી IPS અધિકારી તૈનાત હતા. પોલીસ લાઈનમાં તેણે 30 મહિલા પોલીસ કર્મચારીઓના નિવેદનો નોંધ્યા હતા. નિવેદન નોંધ્યા બાદ મમતા સિંહે આ અંગે કંઈપણ કહેવાનો ઈન્કાર કર્યો હતો. કમિટીની તપાસ ડીજીપીને સોંપવામાં આવશે.