NDAના વધુ એક સાથીનો ભાજપને ઝટકો, ઝારખંડમાં 10 બેઠકો પર ઉમેદવારો ઉતારવાનું એલાન

Jharkhand Assembly Election 2024:  કેન્દ્રીય પ્રધાન જીતન રામ માંઝીએ 10 ઓક્ટોબરે જણાવ્યું હતું કે અમારી પાર્ટી હિન્દુસ્તાની અવમ મોરચા (HAM) ઝારખંડમાં યોજાનારી વિધાનસભા ચૂંટણીમાં ઓછામાં ઓછી 10 બેઠકો પર ઉમેદવારો ઉભા કરશે. હમ (સેક્યુલર) કેન્દ્રમાં સત્તારૂઢ નેશનલ ડેમોક્રેટિક એલાયન્સ (NDA)નો ભાગ છીએ.

હમ પાર્ટી ઓછામાં ઓછી 10 બેઠકો પર ચૂંટણી લડશે

બિહારના ભૂતપૂર્વ મુખ્ય પ્રધાન જીતન રામ માંઝીએ પટનામાં મીડિયાને જણાવ્યું હતું કે, 'અમારી પાર્ટી એનડીએની પ્રતિબદ્ધ સભ્ય છે અને આખરે ભાજપની આગેવાની હેઠળના ગઠબંધનમાં જે પણ વ્યવસ્થા ઝારખંડ વિધાનસભાની ચૂંટણી અંગે કરવામાં આવશે તેનું પાલન કરશે. એક વાત નિશ્ચિત છે.' હમ ચોક્કસપણે ઝારખંડમાં આગામી વિધાનસભા ચૂંટણી લડશે અને મેં તાજેતરમાં જ ઝારખંડના ચતરામાં એક રેલીને સંબોધિત કરી અને જાહેરાત કરી કે પાર્ટી ઓછામાં ઓછી 10 બેઠકો પર ચૂંટણી લડશે.'

અમે ચૂંટણી જીતશું એ સ્પષ્ટ છે- જીતન રામ માંઝી 

જીતન રામ માંઝીએ વધુમાં જણાવ્યું હતું કે, 'અમારી પાર્ટી એનડીએનો ભાગ છીએ. ઝારખંડમાં એનડીએના અન્ય સહયોગીઓ સાથે ચર્ચા કર્યા બાદ સીટની વહેંચણી માટે જે પણ વ્યવસ્થા કરવામાં આવશે, હું તેનો સ્વીકાર કરીશ. પરંતુ, અમે ઝારખંડ વિધાનસભાની ચૂંટણી લડીશું, આ બહુ સ્પષ્ટ છે.' હિન્દુસ્તાની અવમ મોરચાના સ્થાપક જીતન રામ માંઝી 2024ની લોકસભા ચૂંટણીમાં બિહારની ગયા બેઠક પરથી સાંસદ તરીકે ચૂંટાયા હતા.

આ પણ વાંચો: PM મોદીના ફરમાનથી સરકારી કર્મચારીઓનું ટેન્શન વધ્યું, અધિકારી-મંત્રીઓને સોંપી જવાબદારી

નીતિશ કુમારે માંઝીને મુખ્યમંત્રી પદ માટેના એક વિકલ્પ તરીકે ગણાવ્યા હતા  

2014માં નીતિશ કુમારે માંઝીને મુખ્યમંત્રી માટેના એક વિકલ્પ ગણાવ્યા હતા, તે વર્ષે લોકસભાની ચૂંટણીમાં તેમની હાર બાદ નીતિશ કુમારના રાજીનામા પછી તેમને અસ્થાયી રૂપે આ પદ સંભાળવાનું કાર્ય સોંપવામાં આવ્યું હતું. મુખ્યમંત્રી બનતા પહેલા માંઝીએ નીતિશ કુમારની કેબિનેટમાં અનુસૂચિત જાતિ અને અનુસૂચિત જનજાતિ કલ્યાણ મંત્રી તરીકે સેવા આપી હતી. તેઓ 1996 થી 2005 સુધી મુખ્યમંત્રી લાલુ પ્રસાદ યાદવ અને રાબડી દેવીની આરજેડી સરકારમાં મંત્રી પણ હતા.