અચાનક ભારત છોડી પલાયન કરવા લાગ્યા ઈઝરાયલીઓ! પર્યટકોએ ધડાધડ બુકિંગ કેન્સલ કરી

Image: Wikipedia

Russia Ukraine War: રશિયા-યુક્રેન યુદ્ધના કારણે પહેલેથી જ ખરાબ ચાલી રહેલો આગ્રાનો પર્યટન બિઝનેસ પશ્ચિમ એશિયામાં તણાવની સાથે જ વધુ બગડવા લાગ્યો છે. ભારતથી ખાડી દેશ થતાં અમેરિકા કે યુરોપ માટે ફ્લાઈટ છે, પરંતુ પશ્ચિમ એશિયામાં તણાવના કારણે ફ્લાઈટને હવે રશિયન હવાઈ માર્ગથી જવું પડી રહ્યું છે, જે લાંબો હોવાના કારણે ખર્ચાળ પણ છે. તેનાથી નવેમ્બરમાં આગ્રા ફરવા માટે એડવાન્સ બુકિંગ કરાવનાર પર્યટકોએ બુકિંગ કેન્સલ કરાવવાનું શરૂ કરી દીધું છે. 

કોરોનાથી પ્રભાવિત થયો હતો પર્યટન ઉદ્યોગ

ઓક્ટોબરમાં પણ ગયા વર્ષની અપેક્ષાએ બુકિંગમાં 30 ટકા સુધીનો ઘટાડો રહ્યો છે. આ રીતે હિમાચલથી પણ ઈઝરાયલી નાગરિક સ્વદેશ પાછા ફરવા લાગ્યા છે. કોરોના કાળમાં 2020 અને 2021માં આગ્રામાં પર્યટન બિઝનેસ ખરાબ રીતે પ્રભાવિત થયો હતો. કોરોનાના પ્રતિબંધ હટ્યા તો ફેબ્રુઆરી, 2022માં રશિયા અને યુક્રેનની વચ્ચે યુદ્ધ છેડાઈ ગયુ. રશિયન અને યુક્રેની પર્યટકોની સંખ્યા ના બરાબર રહી ગઈ. 

તણાવની પર્યટન પર પડી રહી છે અસર

2023માં ઈનબાઉન્ડ ટુરિઝમ (વિદેશી પર્યટન) ની ગાડી ગમે તેમ કરીને પાટા પર આવી. ત્યારે 5.83 લાખ વિદેશી પર્યટક તાજમહેલ જોવા આવ્યા. આગ્રામાં ઓક્ટોબરથી માર્ચ સુધી પર્યટન સિઝન રહે છે. હવે પશ્ચિમ એશિયામાં તણાવ વધી ગયો છે. તેની વ્યાપક અસર આગ્રાના પર્યટન બિઝનેસ પર નજર આવી રહી છે.

અમેરિકી ચૂંટણીની પણ અસર

આગ્રા ટુરિઝ્મ ડેવલપમેન્ટ ફાઉન્ડેશનના અધ્યક્ષ સંદીપ અરોડાએ જણાવ્યું કે 'પર્યટક શાંતિપૂર્ણ માહોલમાં જ મુસાફરી કરવાનું પસંદ કરે છે. ભારતમાં શાંતિ છે, પરંતુ રશિયા-યુક્રેનની સાથે જ પશ્ચિમ એશિયામાં તણાવની અસર નજર આવવા લાગી છે. ઈઝરાયલી અને ઈરાની પર્યટક આવ્યા નથી. અમેરિકામાં આ વર્ષે રાષ્ટ્રપતિની ચૂંટણી થવાની છે, જેનાથી અમેરિકાથી આવતા પર્યટક પણ પ્રભાવિત થશે.

દેશનો સાથ આપવા માટે હિમાચલથી પણ પાછા ફરવા લાગ્યા ઈઝરાયલી

હિમાચલ પ્રદેશ આવેલા ઈઝરાયલના નાગરિક સંકટની ઘડીમાં દેશનો સાથ આપવા માટે પાછા ફરવા લાગ્યા છે. હિમાચલમાં મેક્લોડગંજ અને કુલ્લૂ જિલ્લાના ઘણા પર્યટન સ્થળોમાં દર વર્ષે ઈઝરાયલના ઘણા પર્યટક આવે છે. આ કારણ છે કે પહેલાની સરખામણીએ આ વર્ષે ઈઝરાયલના પર્યટક ઓછા આવ્યા છે.

300 ઈઝરાયલી રોકાયા

કુલ્લૂ જિલ્લામાં મણિકર્ણ અને કસોલ ઈઝરાયલના નાગરિકોનું મનપસંદ સ્થળ છે. કસોલને મિની ઈઝરાયલ પણ કહેવામાં આવે છે. કસોલમાં ઈઝરાયલી એપ્રિલમાં આવવાનું શરૂ કરે છે અને અહીં આ લોકોએ ખબાદ હાઉસ (પૂજા સ્થળ) નું નિર્માણ કર્યું છે. કસોલ અને મનાલીમાં અત્યારે 300થી વધુ ઈઝરાયલી નાગરિક રોકાયા છે.

બુકિંગ પણ ઓછું થઈ રહ્યું છે

12થી 15 ઓક્ટોબર સુધી યોમ કીપર અને 24 અને 25 ઓક્ટોબરે સિમચટ તોરાહ ઉત્સવ આ લોકો મનાવશે. જે બાદ મોટાભાગના ઈઝરાયલી નાગરિક સ્વદેશ પાછા જશે. હોટલ એસોસિએશન પાર્વતી વેલીના અધ્યક્ષ કિશન ઠાકુરે જણાવ્યું કે ઈઝરાયલી એપ્રિલથી સપ્ટેમ્બર સુધી કસોલ આવે છે. આ વખતે કસોલમાં ઈઝરાયલી પર્યટક ઓછા આવ્યા છે અને હવે બુકિંગ પણ ઓછું થઈ રહ્યું છે.