Microsoft Outage Affect Indian Airlines: માઈક્રોસોફ્ટની વિવિધ સેવાઓ બંધ થવાના કારણે ભારત અને અમેરિકા સહિત વિશ્વના અનેક દેશોની એરલાઈન્સને અસર થઈ છે. ભારત અને અમેરિકામાં 147થી વધુ ફ્લાઈટ રદ કરવામાં આવી છે. આ ખામીને કારણે ફ્લાઈટ બુકિંગ, કેન્સલેશનથી લઈને ચેક-ઈન સુધીની સેવાઓ પર અસર થઈ છે.

ઓનલાઈન પોસ્ટ કરાયેલ ટ્રાવેલ એડવાઈઝરી, ઈન્ડિગોએ આ ખામી સ્વીકારતા કહ્યું કે, “Microsoft Azure સાથે ચાલી રહેલી સમસ્યાના કારણે સમગ્ર નેટવર્ક પર અમારી સિસ્ટમ પ્રભાવિત થઈ છે, જેના પરિણામે અમારા સંપર્ક કેન્દ્રો અને એરપોર્ટ પર રાહ જોવાના સમયમાં વધારો થયો છે. તમે  ચેક-ઇનની ધીમી પ્રક્રિયા અને લાંબી લાઈનનો અનુભવ થઈ શકે છે." એરલાઈને મુસાફરોને ખાતરી આપી કે તેની ટીમ સ્થિતિને પુનઃસ્થાપિત કરવા માટે ખંતપૂર્વક કામ કરી રહી છે, ઉમેર્યું હતું કે, “અમે બધા ડેક પર છીએ, અમારી ડિજિટલ ટીમ આ સમસ્યાઓને ઝડપથી ઉકેલવા માટે Microsoft Azure સાથે નજીકથી સંકલન કરી રહી છે.”

મુસાફરોને વહેલાં એરપોર્ટ પર આવવા અપીલ કરી

રિપોર્ટ અનુસાર, માઈક્રોસોફ્ટ ટેક્નિકલ ખામીના કારણે ભારતમાં, ઈન્ડિગો, આકાશ અને સ્પાઈસજેટે પણ સેવામાં વિક્ષેપ અંગે એડવાઈઝરી જારી કરી છે. સ્પાઈસજેટે X પર કહ્યું કે, “અમે અમારા સર્વિસ પ્રોવાઈડર દ્વારા ટેક્નિકલ પડકારોનો સામનો કરી રહ્યા છે. જેનાથી બુકિંગ, ચેક-ઈન અને બુકિંગ કામગીરી સહિતની ઓનલાઈન સેવાઓ ખોરવાઈ છે. પરિણામે અમે તમામ એરપોર્ટ પર ચેક-ઈન અને બોર્ડિંગ પ્રક્રિયાની મેન્યુઅલી સેવા કાર્યરત કરી છે.મુસાફરી યોજનાઓ ધરાવતા મુસાફરોને અમારા કાઉન્ટર પર ચેક-ઈન પૂર્ણ કરવા માટે સામાન્ય કરતાં વહેલા એરપોર્ટ પર પહોંચવાની વિનંતી કરીએ છીએ. આના કારણે થતી કોઈપણ અસુવિધા માટે અમે દિલથી દિલગીર છીએ અને તમને ખાતરી આપીએ છીએ કે અમારી ટીમો અમારા સેવા પ્રદાતા સાથે ખંતપૂર્વક કામ કરી રહી છે જેથી આ સમસ્યાઓનું તાત્કાલિક નિરાકરણ આવે. આ સમય દરમિયાન તમારી ધીરજ અને સહકાર બદલ આભાર”

માઈક્રોસોફ્ટમાં મોટી ખામી : ભારત સહિત વિશ્વભરમાં એરલાઈન્સ, બેકિંગ અને સ્ટોક માર્કેટની સેવાઓ ખોરવાઈ

અમેરિકામાં પણ એરલાઈન્સ ઠપ્પ

અમેરિકામાં ફ્રન્ટિયર, એલિજિઅન્ટ અને સનકંટ્રી જેવી મોટી એરલાઈન્સ કંપનીઓની સેવાઓ ઠપ્પ થઈ ગઈ છે. ફ્રન્ટિયરે જણાવ્યું હતું કે, ટૂંકસમયમાં તે કામગીરી શરૂ કરવાની પ્રક્રિયામાં છે. ફ્રન્ટિયરે અગાઉ કહ્યું હતું કે "માઈક્રોસોફ્ટ ટેકનિકલ ખામી" એ તેની કામગીરીને અસ્થાયી રૂપે અસર કરી છે. સનકન્ટ્રીએ જણાવ્યું હતું કે તૃતીય-પક્ષ વિક્રેતાએ તેના બુકિંગ અને ચેક-ઇન સુવિધાઓને અસર કરી છે. "Microsoft Azure સાથેની સમસ્યાને કારણે Allegiant વેબસાઇટ પણ ડાઉન છે."