સંયુક્ત રાષ્ટ્ર મહાસભાના પ્રમુખે ભારતની પ્રશંસા કરી, કહ્યું 'તેનું નેતૃત્વ અનુકરણીય'

નવી દિલ્હી,તા.30 જાન્યુઆરી 2023,સોમવાર

ભારતની મુલાકાતે આવેલા સંયુક્ત રાષ્ટ્ર મહાસભાના પ્રમુખ સબા કોરોસીએ સોમવારે જણાવ્યું હતું કે, "અમે યુક્રેનિયન યુદ્ધની પ્રથમ વર્ષગાંઠ નજીક આવી રહ્યા છીએ." આ યુદ્ધને કારણે લાખો લોકોનું સ્થળાંતર થયું. એક એવું યુદ્ધ જેણે વિશ્વભરમાં ઉર્જા અને ખાદ્ય સંકટ તરફ દોરી ગયું છે. હું યુક્રેન અને સમગ્ર વિશ્વમાં શાંતિ સ્થાપિત કરવા માટે ભારતનાં આહવાનની પ્રશંસા કરું છું.

પ્રધાનમંત્રીએ કહ્યું હતું કે, "વૈશ્વિક પડકારો વચ્ચે ભારતનું નેતૃત્વ અનુકરણીય રહ્યું છે. સાત દાયકાથી ભારત અને સંયુક્ત રાષ્ટ્રસંઘે સાથે-સાથે પ્રવાસ કર્યો છે. ભારત શાંતિરક્ષક દળમાં સૈનિકોનો સૌથી મોટો ફાળો આપનાર દેશ છે. તેમણે કહ્યું હતું કે, "હું 150થી વધુ દેશોમાં રસીની નિકાસ માટે અને જી-20ના પ્રેસિડેન્સી મારફતે તેના કાયમી સુધારા માટે ભારતની ઉદારતા માટે ભારતની પ્રશંસા કરું છું."

તેમણે ઉમેર્યું હતું કે, "અમારો ઉદ્દેશ વિજ્ઞાન મારફતે એકતા, સ્થિરતા અને સમાધાનનો છે. શાંતિ માટે રાષ્ટ્રો વચ્ચે એકતા, સમૃદ્ધિ અને સ્થિરતાનું નિર્માણ એ અમારો ઉદ્દેશ છે.