દેશના અનેક રાજ્યોમાં વરસાદી તાંડવ, પરંતુ ભારતના 'સ્વર્ગ' માં લૂ, સ્કૂલો બંધ કરવી પડી

Image: Wikipedia

Heat Wave in Jammu and Kashmir: મેદાની વિસ્તારોમાં ગરમી વધવા પર લોકો કાશ્મીર, હિમાચલ અને ઉત્તરાખંડની ખીણમાં જવાનું વિચારતાં હોય છે. પરંતુ જ્યારે ખીણમાં પણ લૂ ફૂંકાવા લાગે તો શું થશે. કાશ્મીરની સ્થિતિ આ ગરમીમાં આવી જ છે. એટલું જ નહીં જુલાઈના મહિનામાં બે દિવસો માટે પ્રાઈમરી સ્કૂલો બંધ કરવી પડી છે. આવું એટલા માટે કેમ કે ત્યાં લૂ ચાલી રહી છે. 29 અને 30 જુલાઈએ કાશ્મીરમાં તમામ ખાનગી અને સરકારી સ્કુલોને બંધ રાખવાનો આદેશ આપવામાં આવ્યો છે. કાશ્મીરના ડિવિઝનલ કમિશનર વી.કે. બિધૂડીએ આ આદેશ જારી કર્યો અને કહ્યું કે વિદ્યાર્થીઓને બોલાવવામાં આવે નહીં. જોકે શિક્ષકોને સ્કુલમાં હાજર રહેવાનું કહેવામાં આવ્યું છે.

વી. કે. બિધૂડીએ આદેશમાં કહ્યું છે કે, 'ખીણમાં ફૂંકાઈ રહેલી લૂ ના કારણે પ્રાઈમરી લેવલની સરકારી અને ખાનગી સ્કુલોને 29 અને 30 જુલાઈ માટે બંધ રાખવાનો આદેશ આપવામાં આવે છે. જોકે સ્કુલોમાં તમામ શિક્ષકો અને અન્ય સ્ટાફને હાજર રહેવા માટે કહેવામાં આવ્યું છે. દક્ષિણ કાશ્મીરના અનંતનાગ જેવા વિસ્તારોમાં એવી સ્થિતિ છે કે લોકો ખાડામાં ન્હાતા નજર આવી રહ્યાં છે. એક સ્થાનિક નાગરિકે કહ્યું કે આવી સ્થિતિ કદાચ ગ્લોબલ વોર્મિંગના કારણે થઈ રહી છે. શ્રીનગર સહિત કાશ્મીરના મોટાભાગના વિસ્તારોમાં આટલી ભીષણ ગરમી પડતી નહોતી. ગરમીના કારણે લોકોને બચાવવા માટે સરોવર, ખાડા અને ઝરણાનો સહારો લેવો પડી રહ્યો છે. 

આ વર્ષે કાશ્મીરમાં ભીષણ ગરમીની સ્થિતિ છે અને છેલ્લા 25 વર્ષોનો રેકોર્ડ જુલાઈમાં તૂટી ચૂક્યો છે. રવિવારે તો શ્રીનગરમાં તાપમાન 36 ડિગ્રી સેલ્સિયસ સુધી પહોંચી ગયું. 9 જુલાઈ 1999 બાદ પહેલી વખત શ્રીનગરમાં જુલાઈના મહિનામાં આટલું વધુ તાપમાન જોવા મળ્યું. જોકે અત્યાર સુધીના ઈતિહાસમાં શ્રીનગરમાં સૌથી વધુ તાપમાન 10 જુલાઈ 1946એ નોંધાયું હતું. ત્યારે તાપમાન 38.3 ડિગ્રી સેલ્સિયસ સુધી થઈ ગયું હતું. દક્ષિણ કાશ્મીરના કાજીગુંડ અને કોકરનાગમાં પણ રવિવારે તાપમાન 35.6 ડિગ્રી સેલ્સિયસ રહ્યું. આ સિવાય કોકરનાગમાં પણ 34 ડિગ્રી સેલ્સિયસ રહ્યું.