દિલ્હીમાં પરિણામ સામે આવતાં જ ભાજપમાં ખેંચતાણ! ભાજપના દિગ્ગજ નેતાએ CM પદનો કર્યો દાવો

Image Source: Twitter

Delhi BJP CM Face: દિલ્હી વિધાનસભા ચૂંટણીમાં ભાજપની પ્રચંડ જીત બાદ હવે મોટો સવાલ એ છે કે મુખ્યમંત્રી કોણ હશે? પાર્ટીમાં ઘણા દિગ્ગજ ચહેરા છે. ત્યારે હવે પરિણામ સામે આવતાં જ સીએમ પદને લઈને ભાજપમાં ખેંચતાણ નજર આવી રહી છે. એક તરફ જ્યાં દિલ્હીમાં સીએમ પદના સૌથી મોટા દાવેદાર તરીકે પરવેશ વર્માના નામની ચર્ચા ચાલી રહી છે ત્યારે હવે બીજી તરફ 5 વખતના ધારાસભ્ય મોહન સિંહ બિષ્ટે ઇશારા-ઇશારામાં CM પદ માટે પોતાનો દાવો ઠોકી દીધો છે. 

એક ન્યૂઝ ચેનલ સાથે વાતચીતમાં સીએમ પદના સવાલ પર તેમણે કહ્યું કે, હું છ વખત જીત્યો છું, મારી પાસે મુખ્યમંત્રી બનવા લાયક પ્રોફાઇલ તો છે. જોકે, આ ઉપરથી નક્કી થશે, પરંતુ કમ સે કમ પ્રોટેમ સ્પીકર તો હું જ બનીશ. હું ધારાસભ્યોને શપથ લેવડાવીશ.

મોહન સિંહ બિષ્ટને કેટલા મળ્યા વોટ?

મોહન સિંહ બિષ્ટને 42.36% મત મળ્યા છે. બિષ્ટને 85215 મત મળ્યા છે. આ બેઠક પર આમ આદમી પાર્ટીના આદિલ અહેમદ ખાન બીજા ક્રમે રહ્યા હતા. તેમને 67637 મત મળ્યા છે. AIMIM ઉમેદવાર તાહિર હુસૈનને 33474 મત મળ્યા છે. બિશ્તે આદિલ અહેમદ ખાનને 17578 મતોથી હરાવ્યા છે.

આ પણ વાંચો: પૂર્વ CMના પુત્રને જ દિલ્હીની સત્તા સોંપશે ભાજપ? જીત બાદ મળ્યા સંકેત

હવે દિલ્હીમાં સીએમની રેસમાં પરવેશ વર્મા, મનોજ તિવારી અને વીરેન્દ્ર સચદેવા જેવા ચહેરા સામેલ છે. જોકે, ભાજપ હંમેશા સરપ્રાઇઝ આપે છે. બીજી તરફ સીએમની રેસમાં પરવેશ વર્માની દાવેદારી સૌથી વધુ માનવામાં આવી રહી છે. તેમણે દિલ્હીના મુખ્યમંત્રી અને આમ આદમી પાર્ટીના સંયોજક અરવિંદ કેજરીવાલને હરાવ્યા છે. કેજરીવાલ નવી દિલ્હી બેઠકથી 2013, 2015 અને 2020માં જીત્યા હતા. 

કોણ છે મોહન સિંહ બિષ્ટ?

તમને જણાવી દઈએ કે, મોહન સિંહ બિષ્ટ કરાવલ નગરથી પાંચ વખત ધારાસભ્ય રહી ચૂક્યા છે. આ વખતે પાર્ટીએ તેમની બેઠક બદલીને તેમને મુસ્તફાબાદથી ચૂંટણી મેદાનમાં ઉતાર્યા હતા. બિષ્ટે આ અંગે નારાજગી વ્યક્ત કરી હતી. જોકે, બાદમાં તેમણે ચૂંટણી લડવાનો નિર્ણય લીધો. પાર્ટીએ કપિલ મિશ્રાને કરાવલ નગરથી ટિકિટ આપી છે.

આ પણ વાંચો: 27 વર્ષે ભાજપના શિરે દિલ્હીનો તાજ, કોણ બનશે CM? આ ત્રણ ફોર્મ્યુલાથી નક્કી થશે નામ

બિષ્ટને માત્ર 2015માં જ હારનો સામનો કરવો પડ્યો હતો. ત્યારે કપિલ મિશ્રાએ આમ આદમી પાર્ટીની ટિકિટ પર ચૂંટણી લડી હતી અને બિષ્ટને હરાવ્યા હતા. મિશ્રા બાદમાં ભાજપમાં સામેલ થઈ ગયા હતા.