માતા દુર્ગાની મૂર્તિ ખંડિત કરનારો 'પાપી' ઝડપાયો, પોલીસે પંડાલ આયોજકો સામે પણ કેસ નોંધ્યો

Hyderabad Goddess Durga Idol Vandalised: હૈદરાબાદના નામપલ્લી પ્રદર્શની મેદાનમાં માતા દુર્ગાની મૂર્તિને નુકસાન પહોંચાડવા બદલ પોલીસે એક શંકાસ્પદ વ્યક્તિની ધરપકડ કરી છે. હૈદરાબાદ પોલીસે નામપલ્લી પ્રદર્શની મેદાનમાં ખાતે દુર્ગા માતાની મૂર્તિને નુકસાન સાથે સંબંધિત કેસને ઉકેલી લીધો છે. દાંડિયા રાત્રી દરમિયાન બનેલી આ ઘટનાથી વિસ્તારમાં સંભવિત કોમી તણાવ સર્જાયો હતો.

આરોપી માનસિક સ્વાસ્થ્ય સમસ્યાઓથી પીડિત છે

પોલીસે ધરપકડ કરેલા શંકાસ્પદની ઓળખ નગર કુરનૂલના રહેવાસી ક્રિષ્નૈયા ગૌડ તરીકે થઈ છે. શુક્રવારે રાત્રે 8:15 કલાકે બેગમ બજાર ફીલખાનામાંથી તેની ધરપકડ કરવામાં આવી હતી. કેસની તપાસ માટે છ વિશેષ ટીમો બનાવવામાં આવી હતી, ત્યારબાદ ગૌડની ધરપકડ કરવામાં આવી હતી. જે ડિપ્રેશન સહિત માનસિક સ્વાસ્થ્ય સમસ્યાઓથી પીડિત હોવાનું કહેવાય છે.

આ પણ વાચો: '17000 કર્મચારીની છટણી, કાર્ગો પ્લેનનું પ્રોડક્શન બંધ કરીશું...' જાણીતી કંપની બોઈંગનો નિર્ણય

આયોજકો સામે પણ કેસ નોંધવામાં આવ્યો છે

પોલીસના જણાવ્યુનુસાર, ક્રિષ્નાયા ગૌડ ભોજનની શોધમાં પ્રદર્શન મેદાનમાં આવ્યો હતો. ભોજન ન મળતાં તેની અસ્થિર માનસિક સ્થિતિને કારણે મંડપ અને દેવી દુર્ગાની મૂર્તિને નુકસાન પહોંચાડવાનું શરૂ કર્યું. પોલીસે મૂર્તિની સ્થાપના માટે જવાબદાર આયોજકો સામે પણ ગુનો નોંધ્યો છે, કારણ કે આ ઘટના સમયે આયોજકોમાંથી એક પણ મંડપમાં હાજર ન હોવાનું બહાર આવ્યું છે.

પોલીસની સોશિયલ મીડિયા પર નજર

પોલીસ સોશિયલ મીડિયા પર ફરતી અફવાઓની વધુ તપાસ કરી રહ્યા છે, જે તેઓ માને છે કે તેનો હેતુ કોમી અશાંતિ ઉશ્કેરવાનો હતો. શંકાસ્પદનું નિવેદન નોંધવામાં આવ્યું છે અને પોલીસ ઘટનાને લગતી કોઈપણ સોશિયલ મીડિયા પ્રવૃત્તિ પર નજર રાખીને વિસ્તારમાં શાંતિ સુનિશ્ચિત કરવા માટે સાવચેતી રાખી રહી છે.