હોળીને દરેક રાજ્યમાં અલગ અલગ નામથી ઓળખાય છે, દરેકની ઉજવણીની રીત પણ અનોખી

Holi celebration in states of India: હોળીનો તહેવાર દેશભરમાં ધામધૂમથી ઉજવવામાં આવે છે. પરંતુ આ તહેવારને દેશના અલગ-અલગ રાજ્યોમાં અનેક નામોથી ઓળખવામાં આવે છે. એટલું જ નહીં, ઘણા રાજ્યોમાં તેને ઉજવવાની રીત પણ અલગ છે.

પંજાબ - હોલા મોહલ્લા

ભારતના પંજાબ રાજ્યમાં નિહંગ શીખો દ્વારા હોળીના એક દિવસ પછી 'હોલા મોહલ્લા' ઉજવવામાં આવે છે. 10મા શીખ ગુરુ ગુરુ ગોવિંદ સિંહે સમુદાયના યુદ્ધ કૌશલ્યો વિકસાવવા માટે હોલા મોહલ્લા તહેવારની શરૂઆત કરી હતી. પંજાબમાં તેને 'વોરિયર હોળી' તરીકે પણ ઓળખવામાં આવે છે. આમાં યોદ્ધાઓ તેમની હિંમતનું પ્રદર્શન કરે છે.

મણિપુર - યોસાંગ ફેસ્ટિવલ 

મણિપુરમાં યોસાંગ ફેસ્ટિવલ ઉજવવામાં આવે છે. આ પાંચ દિવસનો તહેવાર છે. આ તહેવાર મણિપુરના ભગવાન 'પખંગબા'ને શ્રદ્ધાંજલિ આપવા માટે ઉજવવામાં આવે છે. સૂર્યાસ્ત પછી, લોકો 'યાઓસાંગ મી થાબા' નામની ઝૂંપડીઓ બાળવાની પરંપરા સાથે આ ઉત્સવની શરૂઆત કરે છે. આ બિલકુલ હોલિકા દહન જેવું છે. આ પછી બાળકો દાન માંગવા દરેક ઘરે જાય છે. બીજા અને ત્રીજા દિવસે છોકરીઓ દાન માંગે છે અને છેલ્લા બે દિવસે લોકો એકબીજા પર પાણી અને રંગોનો છંટકાવ કરીને આ તહેવારની ઉજવણી કરે છે.

કેરળ - મંજુલ કુલી

આ ઉપરાંત કેરળ રાજ્યમાં પણ અનોખી હોળી રમવામાં આવે છે. કેરળમાં તેને મંજુલ કુલી તરીકે ઓળખવામાં આવે છે. આ દિવસે, લોકો ગોશ્રીપુરમ થિરુમાના કોંકણી મંદિરમાં ભેગા થાય છે અને પ્રાર્થના કરે છે. બીજા દિવસે, લોકો એકબીજા પર હળદરનું પાણી છાંટે છે અને પરંપરાગત લોકગીતો પર નૃત્ય કરે છે.

ગોવા - શિમ્મો

ગોવામાં હોળીના તહેવારને શિમ્મો તરીકે ઓળખવામાં આવે છે. આ દિવસે અહીં લોકો પરંપરાગત લોકનૃત્યોનું આયોજન કરે છે. આ સિવાય તેઓ રસ્તા પર ડાન્સ કરે છે અને મસ્તી કરે છે. આ ઉત્સવનું આયોજન વસંતઋતુની ઉજવણી માટે કરવામાં આવે છે. આ ઉપરાંત નૌકાઓને આધ્યાત્મિક વિષયો પર શણગારવામાં આવી છે. પુરુષો અને સ્ત્રીઓ સાથે મળીને તેને ખાસ રીતે ઉજવે છે.

બરસાના - લઠમાર

મથુરાના બરસાના ગામની લઠમાર હોળી વિશ્વમાં પ્રખ્યાત છે. અહીં હોળી માત્ર રંગોથી જ નહીં પરંતુ લાકડીથી હોળી રમવાની પરંપરા છે. એવું માનવામાં આવે છે ભગવાન કૃષ્ણ બરસાના આવીને તેમની પ્રિય રાધા અને અન્ય ગોપીઓને ચીડવતા આથી આ ગોપીઓ તે સમયે ભગવાનને લાકડી લઈને ભગાડતી, ત્યારથી હોળી દરમિયાન મહિલાઓ લાકડીઓ વડે પુરુષોનો ભગાડવાનો રીવાજ છે.