VIDEO: હરિયાણાના માનેસરમાં ફેક્ટરીમાં ભીષણ આગ, ફાયર બ્રિગેડની 10 ગાડીઓ પહોંચી

Gurugram Factory Fire : હરિયાણાના ગુરુગ્રામમાં આઈએમટી માનેસરના સેક્ટર આઠમાં એક ફેક્ટરીમાં ભીષણ આગ લાગી છે. અહીં ન્યૂમેરો યૂનો કંપનીની ફેક્ટરી બિલ્ડિંગમાં સાંજે લગભગ છ કલાકે આગ લાગી છે. હાલ પોલીસની ટીમ અને ફાયર બ્રિગેડની 10 ગાડીઓની મદદ લેવાઈ છે.

ગ્રાઉન્ડ ફ્લોરથી બીજા માળ સુધી લાગી આગ

બિલ્ડિંગના ગ્રાઉન્ડ ફ્લોરથી બીજા માળ સુધી આગ લાગી છે. લગભગ આખી બિલ્ડિંગ આગની ઝપેટમાં આવી ગઈ છે. ભીષણ આગના કારણે ફાયર બ્રિગેડના કર્મચારીઓને પણ મુશ્કેલીઓ પડી રહી છે. આ કંપનીમાં કપડાં બનાવવની કામગીરી ચાલે છે.

કપડાંનો જથ્થો હોવાથી આગ વિકરાળ બની

બિલ્ડિંગ ઘણા કપડાઓ અને કાચો માલ પડેલો છે. એવું કહેવાય છે કે, શોર્ટ-સક્રિટના કારણે આગ લાગી છે. ત્યાં કપડાંઓ જથ્થો પડ્યો હોવાથી આગ વધુ વિકરાળ બની છે. આગના કારણે ફેક્ટરીમાં પડેલો માલ આગમાં રાખ થઈ ગયો છે. મળતા અહેવાલો મુજબ ફાયર બ્રિગેડના કર્મચારીઓએ આગ પર કાબુ મેળવી લીધો છે.