VIDEO: હરિયાણામાં ચાલુ કારમાં આગ લાગતા પિતા અને બે પુત્રીના મોત, ત્રણની સ્થિતિ ગંભીર

Haryana News : હરિયાણાના સોનીપતમાં ચાલતી કારમાં આગ લાગવાની ચોંકાવનારી ઘટના સામે આવી છે. એક જ પરિવારના આઠ લોકો દિવાળીની ઉજવણી કરીને ચંડીગઢ પરત ફરી રહ્યા હતા, ત્યારે કારમાં અચાનક આગ લાગી છે, જેમાં પિતા અને બે પુત્રીઓના મોત થયા હોવાના તેમજ ત્રણની હાલત ગંભીર હોવાની વિગતો સામે આવી છે.

આગ લાગ્યા બાદ કાર લૉક થઈ ગઈ

મળતા અહેવાલો મુજબ ચંડીગઢમાં રહેતો પરિવારના આઠ સભ્યો દિવાળીની ઉજવણી કરીને પરત ફરી રહ્યા હતા, આ દરમિયાન શાહાબાદના મોહડી ગામ પાસે તેમની કારમાં અચાનક આગ લાગી હતી. શોર્ટ સક્રિયથી આગ લાગ્યા બાદ કાર લૉક થઈ ગઈ હતી, જેમાં પરિવારના તમામ સભ્યો ફસાઈ ગયા હતા. આ ઘટનામાં પિતા અને બે પુત્રીઓના મોત થયા છે, જ્યારે અન્ય છ લોકો દાઝી ગયા છે.

પિતા-બે પુત્રીના મોત

ઈજાગ્રસ્તોની હાલ હોસ્પિટલમાં સારવાર ચાલી રહી છે. જેમાંથી ત્રણ ઈજાગ્રસ્તોની સ્થિતિ ગંબીર હોવાનું કહેવાય છે. ડૉક્ટરોએ 37 વર્ષિય સંદીપ કુમાર, તેમની છ વર્ષની પુત્રી પરી અને 10 વર્ષની પુત્રી ખુશીને મૃત દાહેર કર્યા છે. કારમાં સવાર 57 વર્ષના સુદેશ, 35 વર્ષના લક્ષ્મીબેન અને 32 વર્ષના આરતીબેનને ગંભીર હાલતમાં ચંડીગઢની પીજીઆઈ હોસ્પિટલમાં રેફર કરવામાં આવ્યા છે. જ્યારે 35 વર્ષના કાર ડ્રાઈવર સુશીલ કુમાર અને તેના 10 વર્ષના પુત્ર યશનો આબાદ બચાવ થયો છે. શાહાબાદ પોલીસે ઘટના અંગે કેસ નોંધી મૃતદેહો પરિવારજનોને સોંપી દીધા છે.