વાયુસેનાના Su-30MKI ફાઈટર જેટ માટે ડીલ, HAL રૂ. 26 હજાર કરોડમાં 240 એરો એન્જિન બનાવશે

Su-30MKI Aircraft: ભારતના સંરક્ષણ મંત્રાલયે 26,000 કરોડ રૂપિયાથી વધુના ખર્ચે Su-30MKI ફાઈટર જેટ માટે 240 AL-31AFP એરો એન્જીન બનાવવાની સોદા પર હસ્તાક્ષર કર્યા છે. આ સોદા હેઠળ હિન્દુસ્તાન એરોનોટિક્સ લિમિટેડ (HAL) તેમને બનાવશે. નવમી સપ્ટેમ્બરે નવી દિલ્હીમાં સંરક્ષણ સચિવ ગિરધર અરમાને અને વાયુસેનાના વડા એર ચીફ માર્શલ વી.આર. ચૌધરીની હાજરીમાં સંરક્ષણ મંત્રાલય અને HALના વરિષ્ઠ અધિકારીઓ દ્વારા કરાર પર હસ્તાક્ષર કરવામાં આવ્યા હતા.

અહીં એન્જિન બનાવવામાં આવશે

આ એરો એન્જિન એચએએલના કોરાપુટ વિભાગ દ્વારા બનાવવામાં આવશે. એવી અપેક્ષા રાખવામાં આવે છે કે આ Sukhoi Su-30ની ઓપરેશનલ ક્ષમતા જાળવવા માટે ભારતીય વાયુસેના (IAF)ની જરૂરિયાતોને પૂર્ણ કરશે. HAL કોન્ટ્રાક્ટેડ ડિલિવરી શેડ્યૂલ મુજબ દર વર્ષે 30 એરો-એન્જિન સપ્લાય કરશે.

આ પણ વાંચો: કોંગ્રેસના 'હાથ'માંથી નીકળ્યું 'ઝાડુ'! મજબૂત બેઠકો પર AAPએ ઉતાર્યા ઉમેદવાર, હવે નહીં થાય ગઠબંધન?

વાયુસેનાના આ ફાઈટર જેટની ખાસિયત

Su-30MKI ફાઈટર જેટ ઝડપી અને ધીમી ગતિએ હવામાં દુશ્મનોને છેતરીને હુમલો કરી શકે છે. Su-30MKI એ રશિયાના Su-27નું એડવાન્સ વર્ઝન છે. એરફોર્સ પાસે 272 Su-30MKI છે. આ જેટ ગ્રીજેવ-શિપુનોવ ઓટોકેનનથી સજ્જ છે. જે એક મિનિટમાં 150 રાઉન્ડ ફાયર કરે છે.

Su-30MKI ફાઈટર જેટમાં 12 હાર્ડ પોઈન્ટ છે. તેમાં 4 પ્રકારના રોકેટ લગાવી શકાય છે. ચાર પ્રકારની મિસાઈલ અને 10 પ્રકારના બોમ્બ તહેનાત કરી શકાય છે. આ ફાઈટર જેટમાં હાર્ડપોઈન્ટ પર હથિયારો ફાયર કરવાની વધુ સુવિધાઓ છે. જો એકથી વધુ રેક લગાવવામાં આવે તો તેમાં 14 હથિયારો લગાવી શકાય છે.

તે કુલ 8130 કિલોગ્રામ વજનના હથિયારો ઉપાડી શકે છે. તેમાં બ્રહ્મોસ મિસાઈલ પણ તહેનાત કરી શકાય છે. ચીન અને પાકિસ્તાન જાણે છે કે બ્રહ્મોસ મિસાઈલ કેટલી ઘાતક અને ઝડપી છે. સુખોઈમાં લગાવવામાં આવેલી બ્રહ્મોસ મિસાઈલની રેન્જ 500 કિ.મી. છે.