તુ બે કોડીનો પોલીસવાળો, એટલા જૂતાં મારીશ...' ભાજપના પૂર્વ કાઉન્સિલરનો ધમકાવતો VIDEO વાયરલ

Gwalior Former BJP Councilor Threatened Policemen : મધ્યપ્રદેશના ગ્વાલિયરમાં પોલીસકર્મીઓને ધમકાવવાનો મામલો સામે આવ્યો છે. ભાજપના પૂર્વ કાઉન્સિલરના ગેરવર્તનનો વીડિયો પણ સોશ્યલ મીડિયા પર વાયરલ થયો છે. આ વીડિયો ગોસપુરા નંબર-1નો છે અને કાઉન્સિલરનું નામ ગુડ્ડુ રત્નાકર જણાવવામાં આવ્યું છે. દારૂડિયાઓ દ્વારા હિંસાની માહિતી મળતાં જ ગ્વાલિયર પોલીસ ઘટનાસ્થળે ગઈ હતી. જે બાદ આ સમગ્ર વિવાદ શરૂ થયો હતો.

પોલીસે અનુજ નામના એક છોકરાની ધરપકડ કરી

ગ્વાલિયરના વોર્ડ-11,અ ગોસપુરા નંબર-1માં પોલીસકર્મીઓ સાથે પૂર્વ કાઉન્સિલરનો વિવાદ થયો હતો. પોલીસને માહિતી મળી હતી કે કેટલાંક દારૂડિયાઓ જાહેરમાં દારૂ પીવી રહ્યા હતા. પોલીસે અનુજ નામના એક છોકરાની ધરપકડ કરી હતી. તે જ સમયે પૂર્વ કાઉન્સિલર ગુડ્ડુ રત્નાકર ત્યાં પહોંચ્યો હતો. તેણે પોલીસકર્મીઓ સાથે ગેરવર્તન કર્યું હતું.

ગુડ્ડુ રત્નાકરે પોલીસકર્મીઓ સાથે કરી ગેરવર્તણૂક 

આટલું જ નહીં ગુડ્ડુએ ત્યાં હાજર એક યુવતી પર પોલીસકર્મીઓ પર છેડતીનો આરોપ લગાવવાનું પણ દબાણ કર્યું હતું. આ દરમિયાન ગુડ્ડુ રત્નાકરે એક પોલીસકર્મી સાથે ગેરવર્તણૂક કરી અને કહ્યું, ‘તું બે કોડીનો પોલીસવાળો, તને અહિયાં જ જૂતા મારીશ.’

વિવાદ પોલીસ સ્ટેશને પહોંચ્યો

પોલીસ અને પૂર્વ કાઉન્સિલર વચ્ચે ત્યારબાદ ખુબ બોલાચાલી થઇ હતી. આ વિવાદ પોલીસ સ્ટેશને પહોંચ્યો હતો. જ્યાં પોલીસે ધરપકડ કરાયેલા યુવકનું મેડિકલ કરાવ્યું અને તે પછી તેને છોડી દીધો હતો. પોલીસકર્મીઓએ આ સમગ્ર ઘટનાનો વીડિયો બનાવ્યો હતો.

ભાજપના પૂર્વ કાઉન્સિલર સામે પોલીસ કોઈ કાર્યવાહી ન કરી શકી

ભાજપના પૂર્વ કાઉન્સિલર ગુડ્ડુ રત્નાકરનું કહેવું છે કે તેની પોલીસકર્મીઓ સાથે મારપીટ થઇ ન હતી. પોલીસકર્મીઓ અનુજ સાથે મારપીટ કરી રહ્યા હતા અને તેઓ ત્યાં પહોંચ્યા હતા. ત્યારબાદ આ મામલો પોલીસ સ્ટેશને પહોંચ્યો હતો. આ સાથે તેણે કહ્યું અમે હવે કોઈ સામે ફરિયાદ કરવા માંગતા નથી. અંતે ભાજપના પૂર્વ કાઉન્સિલર સામે પોલીસ કોઈ કાર્યવાહી કરી શકી ન હતી.