PARAKH દ્વારા રાજ્યોની શૈક્ષણિક સિદ્ધી અંગે હાથ ધરાયો સરવે, 5 બિન ભાજપશાસિત રાજ્યો ન જોડાયા
શિક્ષણ મંત્રાલયના અધિકારીઓએ કહ્યું કે આ સરવેનો ઉદ્દેશ્ય સ્કૂલના અભ્યાસ અને શીખવામાં સુધારાની જરૂરિયાતવાળા ક્ષેત્રોની ઓળખ કરવાનો છે
3 નવેમ્બરે આયોજિત આ સરવેમાં ભારતમાં બ્લોક સ્તરના ધો. 3, 6 અને 9ના વિદ્યાર્થીઓની શૈક્ષિણક દક્ષતા (educational competencies) નું આકલન કરવામાં આવ્યું હતું
Updated: Nov 22nd, 2023
NCEART હેઠળ આવતી પર્ફોમન્સ એસેસમેન્ટ, રિવ્યૂ એન્ડ એનાલિસિસ ઓફ નોલેજ ફોર હોલિસ્ટિક ડેવલપમેન્ટ (PARAKH) દ્વારા આયોજિત પ્રથમ સ્ટેટ એજ્યુકેશન એચિવમેન્ટ સરવેમાં દેશના પાંચ રાજ્યોએ ભાગ લીધો નહોતો. આ રાજ્યોમાં બિન ભાજપશાસિત પક્ષોની સરકાર છે.
શું છે આ સરવેનો ઉદ્દેશ્ય?
શિક્ષણ મંત્રાલયના અધિકારીઓએ કહ્યું કે આ સરવેનો ઉદ્દેશ્ય સ્કૂલના અભ્યાસ અને શીખવામાં સુધારાની જરૂરિયાતવાળા ક્ષેત્રોની ઓળખ કરવાનો છે. 3 નવેમ્બરે આયોજિત આ સરવેમાં ભારતમાં બ્લોક સ્તરના ધો. 3, 6 અને 9ના વિદ્યાર્થીઓની શૈક્ષિણક દક્ષતા (educational competencies) નું આકલન કરવામાં આવ્યું હતું.
સરવેમાં 80 લાખ સ્ટુડન્ટ્સ જોડાયા
આ વ્યાપક સરવેમાં દેશભરમાંથી 5,917 બ્લોકની ત્રણ લાખ સ્કૂલોના લગભગ 80 લાખ વિદ્યાર્થીઓ જોડાયા હતા. તેમાં 6 લાખ શિક્ષકો અને 3 લાખથી વધુ પ્રાદેશિક તપાસકારોને પણ સામેલ કરાયા હતા.
કયા રાજ્યો સરવેમાં ન જોડાયા?
અધિકારીઓએ કહ્યું કે આ સરવેમાં છત્તીસગઢ, દિલ્હી, ઓડિશા, પંજાબ, રાજસ્થાન અને પ.બંગાળને છોડીને તમામ રાજ્યો અને કેન્દ્ર શાસિત પ્રદેશોએ ભાગ લીધો હતો.
