12 કલાકમાં 2 ટ્રેન આગની લપેટમાં, વૈશાલી એક્સપ્રેસમાં 19 ઘવાયા, એક ટ્રેનના 3 કોચ બળીને રાખ

Uttarpradesh Train Fire News | માત્ર 12 કલાકના સમયગાળામાં બે ટ્રેન દુર્ઘટનાના અહેવાલ મળ્યાં. જેમાં યુપીના ઈટાવામાં બીજી ટ્રેન દુર્ઘટના સર્જાઈ હતી. અહીં દિલ્હીથી સહરસા જતી 12554 નંબરની વૈશાલી એક્સપ્રેસમાં આગ લાગી ગઇ હતી. પેન્ટ્રી કાર નજીકના કોચ S6માં આ ઘટના બની હતી. જેમાં લગભગ 19 મુસાફરો ઘવાયાની માહિતી મળી છે. જોકે ઘટના પાછળનું કારણ હજું જાણી શકાયું નથી. રેલવે અધિકારીઓ તપાસ કરી રહ્યા છે. 

#WATCH | Etawah, UP: After a fire broke out in the sleeper coach of Vaishali Superfast Express, SP Rural, Satyapal Singh says, "...The fire broke out in the S6 coach. The rescue team immediately reached the spot. There has been no loss of life. Nobody is injured. The train was… pic.twitter.com/WuQC8prdPR

— ANI (@ANI) November 15, 2023

ઘાયલોને હોસ્પિટલ ખસેડાયા 

માહિતી અનુસાર આગની ઘટના બાદ પીડિત 11 મુસાફરોને સૈફઈ મેડિકલ કોલેજ મોકલાયા હતા. જ્યારે 8 મુસાફરોને હેડક્વાર્ટરના ડૉ. ભીમરાવ આંબેડકર રાજકીય સંયુક્ત હોસ્પિટલ મોકલાયા હતા. 

VIDEO | Fire breaks out in a train, travelling to Bihar's Darbhanga from New Delhi, in Uttar Pradesh's Etawah. Firemen on the spot. More details awaited. pic.twitter.com/yjVWmUyygU

— Press Trust of India (@PTI_News) November 15, 2023

દિલ્હીથી દરભંગા જતી ટ્રેનમાં પણ આગની ઘટના બની 

અગાઉ દિલ્હીથી દરભંગા જતી ટ્રેનના 3 કોચમાં આગની ઘટના બની હતી. તેમાં એક સ્લીપર કોચ અને બે જનરલ કોચ સામેલ હતા. સદભાગ્યે આ ઘટનામાં કોઈ ગંભીર રીતે ઈજાગ્રસ્ત થયો નહોતો. આગ પર કાબૂ મેળવાયા બાદ સળગી ગયેલા ત્રણ કોચને ટ્રેનથી અલગ કરાયા હતા. તેના પછી અન્ય કોચમાં મુસાફરોને બેસાડીને રવાના કરાયા હતા. દરભંગા જતી ટ્રેનમાં આ ત્રણ કોચમાં આશરે 500 લોકો મુસાફરી કરી રહ્યા હતા. એક યાત્રીના જણાવ્યાનુસાર આગ શોર્ટ સર્કિટને લીધે લાગી હતી.