જમ્મુ-કાશ્મીરના સોપોરમાં સેના અને આતંકીઓ વચ્ચે અથડામણ, એક આતંકી ઠાર

Encounter Sopore : જમ્મુ-કાશ્મીરના સોપોરમાં રાજપુરાના ઉપરના વિસ્તારમાં સેના અને આતંકવાદીઓ વચ્ચે એન્કાઉન્ટર શરૂ થયું છે. સેનાએ સમગ્ર વિસ્તારને કોર્ડન કરી લીધો છે. હાલ બંને તરફથી ફાયરિંગ ચાલુ છે. આતંકીઓની સંખ્યા અંગે હજુ સુધી કોઈ માહિતી સામે આવી નથી.

એન્કાઉન્ટરમાં સેનાને મોટી સફળતા મળી છે. સુરક્ષા દળોએ એક આતંકીને ઠાર કર્યો છે. હજુ તેની ઓળખ થઈ શકી નથી. હાલ ઓપરેશન ચાલુ છે. આ પહેલા શુક્રવારે સોપોરના સાગીપોરા વિસ્તારમાં સુરક્ષાદળો અને આતંકવાદીઓ વચ્ચેની અથડામણમાં બે આતંકવાદીઓ માર્યા ગયા હતા.