100,00,00,000 પગાર હતો આ ભારતીયનો, ઈલોન મસ્કે નોકરીથી કાઢી મૂક્યા, હવે કર્યો કમાલ

Parag Agarwal Former CEO of Twitter: ભારતના લોકો અમેરિકાથી લંડન સુધી કમાલ કરી રહ્યા છે. વિશ્વની સૌથી મોટી  મોટી ટેક કંપનીઓની કમાન ભારતીયોના હાથમાં છે. થોડા વર્ષો પહેલા આવી જ એક મોટી કંપનીની કમાન એક ભારતીયના હાથમાં હતી. તે સમયે તેમનું સેલેરી પેકેજ 100 કરોડ રૂપિયા હતું, પરંતુ ઈલોન મસ્કે તેને પોતાની કંપનીમાંથી કાઢી મૂક્યો હતો. પરંતુ નોકરી ગુમાવ્યા પછી પણ તેણે હિંમત ન હારી અને આજે તે પોતાની કંપની ચલાવી રહ્યો છે.

વિશ્વના અગ્રણી ઉદ્યોગપતિ એલોન મસ્કે ગત ઓક્ટોબર 2022 માં ટ્વિટરને 44 અબજ ડોલરમાં ખરીદ્યું. ઈલોન મસ્કે ટ્વિટરને ખરીદ્યા પછી તેમાં ઘણા મોટા ફેરફારો કરવામાં આવ્યા હતા. એલોન મસ્કે ટ્વિટરનું નામ બદલીને X કર્યું. ઘણા કર્મચારીઓને નોકરીમાંથી કાઢી પણ મૂકવામાં આવ્યા હતા. અને એ સમયના સીઈઓ પરાગ અગ્રવાલને પણ બરતરફ કરવામાં આવ્યા હતા.

ઈલોન મસ્ક પરાગ અગ્રવાલને કેમ કાઢી મૂક્યા?

પરાગ અગ્રવાલએ IITમાંથી સ્નાતક કરેલું છે, અને તેઓ  ભારતીય મૂળના છે. પરાગ અગ્રવાલ ટ્વિટરના સીઈઓ તરીકે ખૂબ જ લોકપ્રિય બન્યા હતા. ટ્વિટરના સીઈઓ તરીકે કામ કરતી વખતે પરાગ અગ્રવાલનું સેલરી પેકેજ 100 કરોડ રૂપિયા હતું. બ્લૂમબર્ગના કર્ટ વેગનરના પુસ્તક પ્રમાણે પરાગે એલોન મસ્કના પ્રાઈવેટ જેટના લોકેશન પર નજર રાખતા એકાઉન્ટને બ્લોક કરવાની વિનંતીને અસ્વીકાર કર્યો હતો. આ ઘટના ટ્વિટરના અધિગ્રહણથી પહેલા બની હતી, જ્યારે અધિગ્રહણ બાદ પરાગ અગ્રવાલને એલોન મસ્ક દ્વારા બરતરફ કરવામાં આવ્યા હતા.

પરાગ અગ્રવાલને વળતર મળ્યું નથી

માહિતી પ્રમાણે એવો દાવો કરવામાં આવે છે કે, બરતરફ થયા પછી પરાગ અગ્રવાલ લગભગ 400 કરોડ રૂપિયા મેળવવાના હકદાર હતા, પરંતુ તેમને કોઈ રકમ આપવામાં આવી ન હતી. પરાગ અને ટ્વિટરના અન્ય ભૂતપૂર્વ અધિકારીઓએ મસ્ક વિરુદ્ધ કેસ દાખલ કર્યો હતો. અને કુલ 1000 કરોડના વળતર માટે કેસ દાખલ કરવામાં આવ્યો હતો.

અગ્રવાલે બરતરફ કર્યા પછી કમાલ કરી બતાવ્યો 

પરાગ અગ્રવાલે હવે AI સેક્ટરમાં એન્ટ્રી કરી છે. રિપોર્ટ પ્રમાણે તેમને તેમના નવા સાહસ માટે ₹249 કરોડનું ભંડોળ મળ્યું છે. તેમનું સ્ટાર્ટઅપ મોટી ભાષાના મોડલ્સ સાથે કામ કરતા ડેવલપર્સ માટે સોફ્ટવેર ડેવલપ કરવા પર ધ્યાન કેન્દ્રિત કરે છે, જે OpenAI ની ChatGPT પાછળની ટેક્નોલોજીની જેમ છે.