લોકસભા ચૂંટણી પહેલા મોટા સમાચાર, ચૂંટણી કમિશનર અરુણ ગોયલે રાજીનામું આપ્યું

વાત જો લોકસભા ચૂંટણી 2024ની તૈયારીઓમાં ચૂંટણી પંચની સક્રિયતાને લઈને કરવામાં આવે તો આગામી 3 દિવસ બાદ આયોગને જમ્મુ કાશ્મીરના પ્રવાસ પર જવાનું છે. ત્યારે, ચૂંટણી પંચ હજુ 2 દિવસ પહેલા જ પશ્ચિમ બંગાળના પ્રવાસથી પરત ફર્યા છે. તેવામાં અરૂણ ગોયલના અચાનક રાજીનામું આપવાનું કોઈ ખાસ કારણ સામે આવ્યું નથી. તેના રાજીનામાંનો સ્વીકાર કરવાને લઈને કેન્દ્રીય કાયદા અને ન્યાય મંત્રાલય તરફથી શનિવારે (9 માર્ચ) એક નોટિફિકેશન જાહેર કરાઈ. આ નોટિફિકેશનમાં રાષ્ટ્રપતિથી ચૂંટણી કમિશનર અરૂણ ગોયલના તાત્કાલિક અસરથી રાજીનામું સ્વીકારવા વિનંતી કરવામાં આવી છે.