'અહંકાર ઈશ્વરનું ભોજન': AAPની હાર પર કુમાર વિશ્વાસનો કટાક્ષ
Updated: Feb 8th, 2025
Image: Facebook
Delhi Assembly Elections Result: દિલ્હીની જનતાનો કેજરીવાલની પાર્ટીથી મોહભંગ થતો નજર આવી રહ્યો છે. દરમિયાન કુમાર વિશ્વાસે સોશિયલ મીડિયા એક્સ પર આકરી ટ્વિટ કરી છે. જેમાં વીડિયોની સાથે તેમણે લખ્યું છે કે 'અહંકાર ઈશ્વરનું ભોજન છે. પોતાને એટલા શક્તિશાળી ના સમજો કે જેમણે આપણને સિદ્ધિઓ આપી છે, તેમને જ તમે આંખો બતાવવા લાગો.'
અહંકાર ઈશ્વરનું ભોજન છે
યાદ રાખજો કે તમારી સફળતાની પાછળ કૃષ્ણ જેવા એવા અસંખ્ય લોકો છે, જેની અદૃશ્ય શુભકામનાઓના કારણે તમે આ વિજય રથ પર સવાર થયા છો. જ્યારે પણ તમને એ લાગવા લાગે કે તમે આ ઐતિહાસિક સફળતા પોતાની શક્તિ ના દમ પર મેળવી લીધી છે તો તમે બસ તે લોકો વિશે વિચારો, જેમના સહયોગ વિના તમારી આ યાત્રા સફળ ન હોત. જનલોકપાલ આંદોલનમાં કુમાર વિશ્વાસ અને અરવિંદ કેજરીવાલ સક્રિય કાર્યકર્તા તરીકે નજર આવ્યા હતા. અન્ના હજારેના માર્ગદર્શનમાં બંને નેતાઓએ રાજકારણની દુનિયામાં પોતાની ઓળખ બનાવી હતી.
આ પણ વાંચો: દિલ્હીની હોટ સીટના પરિણામ: આતિશીએ AAPની લાજ બચાવી, દિલ્હીમાં AAP થઈ ગયું સાફ
છબી સારી નથી તેથી ચૂંટણી હારી રહ્યા છે
આ વખતની ચૂંટણીમાં આમ આદમી પાર્ટી બીજા નંબરે છે. નવી દિલ્હી બેઠકથી પોતે અરવિંદ કેજરીવાલની જીતની સ્થિતિ પણ સ્થિર નજર આવી રહી નથી. તે 100 વોટના અંતરથી ક્યારેક આગળ તો ક્યારેક પાછળ જઈ રહ્યા છે. સામાજિક કાર્યકર્તા અન્ના હજારેએ કહ્યું કે 'હું હંમેશાથી કહી રહ્યો છું કે ચૂંટણી લડતી વખતે ઉમેદવારના આચાર, વિચાર અને ચરિત્રનું શુદ્ધ હોવું જોઈએ. છબી પર કોઈ દાગ હોવો જોઈએ નહીં. પરંતુ તેમને એ વાત ખબર પડી નહીં. તે દારૂ અને રૂપિયામાં ગૂંચવાઈ ગયા. તેનાથી અરવિંદ કેજરીવાલની છબી ખરાબ થઈ અને તેથી તેમને ચૂંટણીમાં ઓછા વોટ મળી રહ્યા છે. લોકોએ જોયું કે તેઓ ચરિત્રની વાત કરે છે પરંતુ દારૂમાં લુપ્ત રહે છે. રાજકારણમાં આરોપ લગાવતા રહે છે. કોઈકે એ સાબિત કરવું પડે છે કે તે દોષી નથી. સત્ય સત્ય જ રહેશે. જ્યારે બેઠક થઈ તો મેં નક્કી કરી લીધું કે હું પાર્ટીનો ભાગ રહીશ નહીં અને હું તે દિવસથી પાર્ટીથી દૂર છું.'
