ઝારખંડના મુખ્યમંત્રી હેમંત સોરેનના દિલ્હી નિવાસે પહોંચી ED, મની લોન્ડરિંગ મામલે થશે પૂછપરછ

Jharkhand News: એન્ફોર્સમેન્ટ ડિરેક્ટોરેટ (ED) ની ટીમ મની લોન્ડરિંગ (Money Laundering) મામલે તપાસ કરવા સોમવારે સવારે ઝારખંડ (Jharkhand) ના મુખ્યમંત્રી હેમંત સોરેન (CM Hemant Soren) ના દિલ્હી નિવાસે પહોંચી ગઇ હતી. ઈડીના અધિકારીઓ હવે સીએમ સોરેનની પૂછપરછ કરી શકે છે. 

#WATCH | Delhi: Outside visuals from the residence of Jharkhand Hemant Soren.

ED team is likely to question Jharkhand CM and JMM Executive President Hemant Soren in connection with a money-laundering case linked to an alleged land scam. pic.twitter.com/AsODa957Yx

— ANI (@ANI) January 29, 2024

મની લોન્ડરિંગ મામલે ચાલી રહી છે તપાસ 

અગાઉ કેન્દ્રીય તપાસ એજન્સી ઈડીએ 20 જાન્યુઆરીએ મની લોન્ડરિંગના કેસમાં મુખ્યમંત્રી હેમંત સોરેનનું નિવેદન તેમના નિવાસે નોંધ્યું હતું. તેના પછી ફરી સમન્સ મોકલાયું હતું કેમ કે તે દિવસે પૂછપરછ થઇ શકી નહોતી. એજન્સીનો દાવો છે કે આ તપાસ ઝારખંડમા માફિયા દ્વારા જમીનની માલિકીમાં ગેરકાયદે રીતે હેરફેર કરવામાં સામેલ એક મોટી ગેંગ સાથે સંકળાયેલો છે. અગાઉ ઈડીએ જમીન ડીલ કૌભાંડમાં 29 થી 31 જાન્યુઆરી વચ્ચે હેમંત સોરેન પાસે પૂછપરછનો સમય માગ્યો હતો. 

મની લોન્ડરિંગ મામલે અત્યાર સુધી 14ની ધરપકડ 

ઈડીએ આ મામલે અત્યાર સુધી 14 લોકોની ધરપકડ કરી હતી જેમાં 2011 બેચના આઈએએસ અધિકારી છવિ રંજન પણ સામેલ છે. તે રાજ્યના સમાજ કલ્યાણ વિભાગના નિર્દેશક તથા રાંચીના ડેપ્યુટી કમિશનર તરીકે કાર્યરત હતી.