સુકમામાં સુરક્ષા દળો અને નક્સલવાદીઓ વચ્ચે ભયંકર અથડામણ, 10 નક્સલી ઠાર મરાયા

Sukma Encounter: છત્તીસગઢના સુકમા જિલ્લાના ભેજ્જી વિસ્તારમાં સુરક્ષાદળો અને નક્સલિઓ વચ્ચે અથડામણ થઈ છે. અથડામણમાં 10 નક્સલીઓ ઠાર મરાયા છે. સુરક્ષાદળોએ ઘટના સ્થળેથી ત્રણ ઓટોમેટિક રાઇફલ અને અન્ય હથિયાર જપ્ત કર્યા છે.

મળતી માહિતી અનુસાર, આજે સવારે જવાનોની નક્સલીઓ સાથે અથડામણ થઈ હતી. જવાનોને માહિતી મળી હતી કે કેટલાક નક્સલીઓ ઓડીસાના રસ્તે છત્તીસગઢમાં પ્રવેશ કરી રહ્યા છે. ડીઆરજીની ટીમ નક્સલીઓની ઘેરાબંધી કરવા નીકળી હતી. બંને તરફથી સેંકડો રાઉન્ડ ફાયરિંગ થઈ છે. સાથે જ કેટલાક ઓટોમેટિક હથિયાર પણ મળ્યા છે.

10 નક્સલીઓને ઠાર માર્યા બાદ DRGના જવાનોએ જશ્ન મનાવ્યો

આ અથડામણ કોરાજુગુડા, દંતેસપુરમ, નાગારામ, ભંડારપદરના જંગલ-પહાડીમાં થઈ છે. જવાનો વિસ્તારમાં સર્ચ ઓપરેશન કરી રહ્યા હતા. આ દરમિયાન નક્સલીઓએ જવાનો પર હુમલો કરી દીધો હતો. ત્યારે જવાનોએ જવાબી કાર્યવાહી કરતા 10 નક્સલીઓને ઠાર માર્યા હતા.