ડાયાબિટીસના દર્દીઓ હવે ઇન્હેલર મારફતે ઈન્સ્યુલિન લઇ શકશે, ભારતમાં વિતરણની મંજૂરી

Insulin Inhaler for Diabetes: ડાયાબિટીસના દર્દીઓએ સુગર કંટ્રોલમાં રાખવા માટે ઈન્જેક્શન દ્વારા ઈન્સ્યુલિન લેવું પડે છે. પરંતુ, હવે આ દર્દીઓ માટે રાહતના સમાચાર સામે આવ્યા છે. હવેથી ડાયાબિટીસના દર્દીઓ ઇન્હેલર મારફતે પણ ઇન્સ્યુલિન લઈ શકશે. દવા બનાવતી કંપની સિપ્લાએ બુધવારે જણાવ્યું હતું કે, ભારતીય નિયમનકાર સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશન (CDSCO)એ તેને દેશમાં ઇન્હેલ્ડ ઇન્સ્યુલિનનું વિતરણ અને માર્કેટિંગ કરવાની મંજૂરી આપી છે.

કોણ કરી શકશે ઉપયોગ?

ડાયાબિટીસના દર્દીઓ હવે ઇન્હેલર મારફતે ઈન્સ્યુલિન લઈ શકશે. દવા નિર્માતા કંપની સિપ્લાએ જણાવ્યું હતું કે, CDSCO એ તેને દેશમાં ઇન્હેલ્ડ ઇન્સ્યુલિનનું વિતરણ અને માર્કેટિંગ કરવાની મંજૂરી આપી છે. Afrezza નામનું ઇન્સ્યુલિન જે મેનકાઇન્ડ કોર્પોરેશન દ્વારા બનાવવામાં આવે છે અને તેનું ઉત્પાદન કરે છે. તેનો ઉપયોગ ડાયાબિટીસ મેલાઇટસ ધરાવતા પુખ્ત વયના લોકોમાં ગ્લાયસેમિક નિયંત્રણને સુધારવા માટે કરવામાં આવે છે. 

આ પણ વાંચોઃ સુરતમાં ચોંકાવનારી ઘટના: નાના ભાઈએ પતંગની દોરી ન આપતાં 10 વર્ષના બાળકની આત્મહત્યા

12 મિનિટમાં કામ કરવાનું શરૂ કરશે 

આ વિશે વધુ માહિતી આપતા કંપનીએ જણાવ્યું હતું કે, 'અફ્રેઝા એ ઝડપી કાર્ય કરતું ઇન્સ્યુલિન છે જે ઇન્હેલર દ્વારા પહોંચાડવામાં આવે છે.  હાલમાં ઇન્સ્યુલિન ઇન્જેક્શનના રૂપમાં આપવામાં આવે છે. અફ્રેઝા, ભોજન પહેલાં લેવામાં આવે છે, તે ફેફસામાં ઝડપથી ઓગળી જાય છે અને લોહીમાં ઝડપથી ઇન્સ્યુલિન પહોંચાડે છે. સિપ્લાનો ઉદ્દેશ્ય તમામ નાગરિકો માટે દવાને સુલભ બનાવવાનો અને લાખો લોકોને તેમના સ્વાસ્થ્યને વધુ સરળતાથી નિયંત્રિત કરવા સક્ષમ બનાવવાનો છે. અફ્રેઝા 12 મિનિટમાં કામ કરવાનું શરૂ કરશે અને ભોજન સાથે સુગરના લેવલમાં જોવા મળતા તીવ્ર વધારાને ઘટાડવામાં મદદ કરશે. Afrezza ની અસર લગભગ બે-ત્રણ કલાક સુધી ચાલે છે અને તેની અસર ઇન્સ્યુલિન જેવી જ છે.'

આ પણ વાંચોઃ રાજકોટ જિલ્લામાં સામૂહિક આપઘાત, માતાએ બે સંતાનો સાથે ઝેરી દવા ગટગટાવી

કંપનીએ જણાવ્યું હતું કે, 'તે ટાઇપ 1 અને ટાઇપ 2 ડાયાબિટીસ મેલાઇટસના દર્દીઓ માટે વિકસિત પ્રથમ અને એકમાત્ર બિન-ઇન્જેક્ટેબલ ઇન્સ્યુલિન છે. સિપ્લાના મેનેજિંગ ડિરેક્ટર અને ગ્લોબલ સીઈઓ ઉમંગ વોરાએ જણાવ્યું હતું કે, 'દિવસમાં ઘણી વખત ઇન્સ્યુલિનના ઇન્જેક્શનની જરૂરિયાતને ઘટાડીને, અમે ડાયાબિટીસથી પીડિત લોકો માટે, ખાસ કરીને જેમને ઇન્જેક્શનની જરૂરિયાતનો સામનો કરવો પડે છે તેમના માટે એક અનુકૂળ ઉપાય પ્રદાન કરી રહ્યા છીએ તેઓ તેમની પરિસ્થિતિને વધુ અસરકારક રીતે સંભાળે છે.'

અફ્રેઝાનું મૂલ્યાંકન 70 થી વધુ ક્લિનિકલ અભ્યાસોમાં કરવામાં આવ્યું છે, જેમાં ત્રણ હજારથી વધુ દર્દીઓ સામેલ છે. ભારતમાં 216 દર્દીઓ પર હાથ ધરવામાં આવેલા ક્લિનિકલ ટ્રાયલમાં તેનો ઉપયોગ HbA1c સ્તરમાં નોંધપાત્ર ઘટાડો દર્શાવે છે. કંપનીએ જણાવ્યું હતું કે, ફેફસાં દ્વારા શ્વાસમાં લેવા માટે ઇન્સ્યુલિનની ઉપલબ્ધતા ડાયાબિટીસના દર્દીઓ માટે એક નવો વિકલ્પ પ્રદાન કરશે. Afrezza યુએસમાં 10 વર્ષથી વધુ સમયથી ઉપલબ્ધ છે. આ દવા હજારો દર્દીઓને આપવામાં આવી રહી છે. હવે, મેનકાઇન્ડ સિપ્લાને અફ્રેઝા સપ્લાય કરશે અને સિપ્લા તેને ભારતમાં વેચશે.'