AAPના સંયોજક પદ પર લટકતી તલવાર: શું રાજ્યસભા જશે કેજરીવાલ? જોકે ત્યાં પણ મોટો પડકાર

Delhi Election Result 2025: દિલ્હી ચૂંટણીના અણધાર્યા પરિણામોએ AAPના સંયોજક અરવિંદ કેજરીવાલના ભવિષ્ય પર પણ સવાલો ઉભા થયા છે. આ ચૂંટણીમાં અરવિંદ કેજરીવાલ પણ પોતાની નવી દિલ્હીની બેઠક હારી ગયા છે. આવી સ્થિતિમાં તેમનું AAPના સંયોજકનું પદ પણ જોખમમાં છે. આ કારણથી સવાલ ઉઠવા લાગ્યા છે કે કેજરીવાલનું આગળનું પગલું શું હશે?

કેજરીવાલનું AAP સંયોજકનું પદ જોખમમાં

આ સમયે અરવિંદ કેજરીવાલ માટે સૌથી મોટો વિકલ્પ રાજ્યસભામાં જવાનો છે. પંજાબમાં રાજ્યસભાની ચૂંટણી 2028માં યોજાવાની છે, જ્યારે દિલ્હીમાં 2030માં ચૂંટણી યોજાશે. સમજવા જેવી વાત એ છે કે ત્યાં સુધી અરવિંદ કેજરીવાલ શું કરશે કારણ કે EDએ દારૂ કૌભાંડમાં સમગ્ર આમ આદમી પાર્ટીને આરોપી બનાવી દીધી છે એવામાં કેજરીવાલનું AAP સંયોજકનું પદ પણ જોખમમાં છે. આવી સ્થિતિમાં કોર્ટ પક્ષકારને દોષી ઠેરવે તો પણ તે સ્થિતિમાં પક્ષનું વિસર્જન થઈ જશે અને સંયોજકનું પદ હવે રહેશે નહીં.

ભ્રષ્ટાચારના કેસમાં જો કેજરીવાલ જેલમાં જાય તો પાર્ટીનું નેતૃત્ત્વ કરવું મુશ્કેલ બનશે 

આ કારણોસર અરવિંદ કેજરીવાલ અધવચ્ચે જ અટવાયા છે. ચૂંટણી હારથી તેમના રાજકીય અસ્તિત્વ પર સવાલો ઉભા થયા છે. હવે જ્યારે દિલ્હીમાં ભાજપની સરકાર છે, ત્યારે એવું માનવામાં આવે છે કે કેજરીવાલની વિરુદ્ધના ભ્રષ્ટાચારના તમામ કેસોમાં તપાસ તેજ કરવામાં આવશે, આ સ્થિતિમાં જો કેજરીવાલ અને પાર્ટીના અન્ય નેતાઓ પણ જો જેલમાં જાય તો આવી સ્થિતિમાં પાર્ટીનું નેતૃત્ત્વ કરવું મુશ્કેલ બનશે. 

આ પણ વાંચો: દિલ્હીમાં CM કોણ? પરવેશ વર્મા જ નહીં પૂર્વ વિદેશમંત્રીના પુત્રીનું નામ પણ રેસમાં

આમ આદમી પાર્ટી માટે મોટું સંકટ 

જોકે, આમ આદમી પાર્ટી માટે પડકારો વધુ છે કારણ કે હવે તેમનું દિલ્હી મોડલ પડી ભાંગ્યું છે. શિક્ષણ ક્રાંતિનો શ્રેય જેમને આપવામાં આવી રહ્યો છે તે મનિષ સિસોદિયા પણ હારી ગયા છે. કેજરીવાલને સ્વાસ્થ્ય ક્રાંતિ માટે અભિનંદન આપતા ક્યારેય થાકતા ન હતા તેવા સત્યેન્દ્ર જૈનને શકુર બસ્તીમાંથી કારમી હારનો સામનો કરવો પડ્યો છે. AAPના સૌથી તીક્ષ્ણ નેતાઓમાં ગણાતા સૌરભ ભારદ્વાજ ગ્રેટર કૈલાશની બેઠક હારી ગયા છે. આવી સ્થિતિમાં આમ આદમી પાર્ટી માટે સંકટ મોટું છે, કેજરીવાલનો વિકલ્પ શોધવો વધુ પડકારજનક છે.