દિલ્હીના સિરસપુર અંડરપાસમાં બે બાળકોના ડૂબી જવાથી મોત

દિલ્હીમાં શનિવારે પણ વરસાદ ચાલુ રહ્યો હતો. શનિવારે પણ રાજધાનીના ઘણા વિસ્તારોમાં વરસાદ પડ્યો હતો. જો કે, આ દરમિયાન વરસાદને કારણે દિલ્હીના સિરસપુર અંડરપાસમાં લગભગ ત્રણ ફૂટ પાણી ભરાઈ ગયું હતું, જેના કારણે બે બાળકોના ડૂબી જવાથી મોત થયા હતા. આ ઘટનાની માહિતી મળ્યા બાદ સર્ચ ઓપરેશન હાથ ધરવામાં આવ્યું હતું અને બંનેના મૃતદેહને બહાર કાઢવામાં આવ્યા હતા.

પોલીસના જણાવ્યા અનુસાર, સમયપુર બદલી પોલીસ સ્ટેશનને બપોરે 2.25 વાગ્યે સિરસપુર અંડરપાસમાં 12 વર્ષના બાળકના ડૂબવાની માહિતી મળી હતી. પોલીસે ઘટનાસ્થળે પહોંચીને જોયું કે, મેટ્રો પાસે આવેલા સિરસપુર અંડરપાસમાં અઢીથી ત્રણ ફૂટ સુધી પાણી ભરાયેલું છે.