'મહાસાગરથી પણ ઊંડી છે ભારત-રશિયાની મિત્રતા...', પુતિન સાથે મુલાકાત બાદ બોલ્યા રાજનાથ સિંહ

Rajnath-Singh Statement: રક્ષા મંત્રી રાજનાથ સિંહે બુધવારે ભારત-રશિયા આંતર-સરકારી સૈન્ય અને સૈન્ય આયોગ (IRIGC-M&MTC)ના  21માં સત્રના અવસરે માસ્કોમાં રશિયન સંઘના રાષ્ટ્રપતિ વ્લાદિમીર પુતિન સાથે મુલાકાત કરી. રક્ષા મંત્રીએ રાષ્ટ્રપતિ પુતિનને વડાપ્રધાન નરેન્દ્ર મોદી તરફથી હાર્દિક શુભેચ્છા પાઠવી.

રાજનાથ સિંહે દ્વિપક્ષીય રક્ષા સહયોગના અલગ અલગ મુદ્દાઓ પર ચર્ચા કરી. બંને નેતાઓએ કહ્યું કે, બંને દેશો વચ્ચે ભાગીદારીની અપાર સંભાવનાઓ છે. સંયુક્ત પ્રયાસ ઉલ્લેખનીય પરિણામો માટે માર્ગ મોકળો કરશે.

આ પણ વાંચો: ઈઝરાયલના PM નેતન્યાહૂને થશે જેલ? કોર્ટના કઠેડામાં ઉભા રહીને આપી જુબાની, જાણો શું છે કેસ

બેઠક દરમિયાન રાજનાથ સિંહે કહ્યું કે, 'આપણા દેશો વચ્ચે મિત્રતા સૌથી ઊંચા પર્વતથી પણ ઊંચી અને સૌથી ઊંડા મહાસાગરથી પણ ઊંડી છે. ભારત હંમેશા પોતાના રશિયન મિત્રો સાથે ઉભું રહ્યું છે અને ભવિષ્યમાં પણ એવું કરતું રહેશે.'

રક્ષા મંત્રાલયે એક નિવેદન જાહેર કરીને કહ્યું કે, 'રાજનાથ સિંહે દ્વિપક્ષીય રક્ષા સહયોગના અલગ અલગ મુદ્દાઓ પર ચર્ચા કરી. બંને નેતાઓએ કહ્યું કે, બંને દેશો વચ્ચે ભાગીદારીમાં અપાર સંભાવનાઓ છે અને સંયુક્ત પ્રયાસ ઉલ્લેખનીય પરિણામોનો માર્ગ મોકળો કરશે.'

આ પણ વાંચો: ટ્રમ્પે કરી ટ્રુડોની મશ્કરી: 'ગવર્નર' કહીને કર્યું સંબોધન, સોશિયલ મીડિયા પોસ્ટ વાઇરલ

S-400 ટ્રાયમ્કની જરૂરિયાતોમાં ઝડપ લાવવાનો આગ્રહ કર્યો

આ પહેલા રક્ષા મંત્રી રાજનાથ સિંહે રશિયાને S-200 ટ્રાયમ્ક જમીનથી હવામાં પ્રહાર કરનારી મિસાઈલ પ્રણાલીની બે બાકી એકમોની જરૂરિયાતોમાં ઝડપ લાવવાનો આગ્રહ કર્યો. તેમણે મોસ્કોમાં પોતાના રશિયન સમકક્ષ એન્ડ્રી બેલોસોવની સાથે લાંબી ચર્ચા કરી. બેઠકમાં રાજનાથ સિંહે અલગ અલગ સૈન્ય હાર્ડવેયરના સંયુક્ત ઉત્પાદનમાં રશિયન રક્ષા ઉદ્યોગો માટે ભારતમાં નવા અવસરોને પ્રદર્શિત કર્યા.

તેમણે કહ્યું કે, 'ભારત-રશિયાના સંબંધ ખુબ મજબૂત છે અને તેનાથી વિશેષ અને વિશેષાધિકાર પ્રાપ્ત રણનીતિક ભાગીદારીની જવાબદારીઓને પૂર્ણ કરી છે.'