શું કરે છે દાઉદ ઇબ્રાહિમનો દીકરો, શું તે પણ પોતાના પિતાની માફક અંડરવર્લ્ડ ડોન છે?

Dawood Ibrahim's Son: અંડરવર્લ્ડ આ શબ્દ સાંભળી તમારા મનમાં બૉલીવુડ ફિલ્મોના ઘણા ડાયલોગ અને સીન નજર સામે દોડવા લાગે છે. ક્રાઇમની દુનિયામાં સક્રિય લોકોની દુનિયાને અંડરવર્લ્ડ કહેવામાં આવે છે. એક સમય હતો જ્યારે માયા નગરી મુંબઇમાં અંડરવર્લ્ડનો દબદબો હતો, ખુલ્લેઆમ માફિયા ડોન રસ્તા પર ફરતા હતા. બૉલીવુડને મળતા હતા. અને તેમાંથી એક નામ જે સૌથી ખાસ અને મહત્વપૂર્ણ હતું ડી ગેન્ગ.

મુંબઇના પોલીસ કોન્સ્ટેબલનો પુત્ર અંડરવર્લ્ડનો કિંગ બની જશે એવું કોઇએ વિચાર્યું પણ ન હતું. 1993 ના મુંબઇ બ્લાસ્ટ બાદ દાઉદ ઇબ્રાહિમ ભારત છોડીને ભાગી ગયો હતો. હાલ તે પાકિસ્તાનમાં રહે છે, દાઉદ ઇબ્રાહિમની ઉંમર થઇ ગઇ છે. અને હવે તે ક્રાઇમની દુનિયાથી લગભગ ગાયબ થઇ ગયો છે. આ બધાની વચ્ચે મનમાં પ્રશ્ન થાય છે કે શું દાઉદ ઇબ્રાહીમનું ક્રાઇમ નેટવર્ક તેનો પુત્ર સંભાળી રહ્યો છે. શું કરે છે દાઉદ ઇબ્રાહીમનો પુત્ર. ચાલો જાણીએ. 

આ પણ વાંચો: દાઉદની સંપત્તિ ખરીદવા ગજાબહાર બોલી લગાવી! ચૂકવણી માટે નથી પૈસા, કહ્યું- જુગાડ કરી રહ્યો છું

શું દાઇદ ઇબ્રાહીમનો પુત્ર છે અંડરવર્લ્ડ ડૉન? 

68 વર્ષના દાઉદ ઇબ્રાહીમનો એક સમયે મુંબઇના અંડરવર્લ્ડ પર દબદબો હતો. પોલીસથી માંડીને મંત્રી સુધી બૉલીવુડ એક્ટરથી માંડીને ક્રિકેટર સુધી દાઉદ ઇબ્રાહીમનના બધાની સાથે કનેક્શન હતા. પરંતુ મુંબઇમાં બોમ્બ બ્લાસ્ટના કાવતરા બાદ દાઉદ ઇબ્રાહીમને દેશ છોડીને ભાગવું પડ્યું. હાલ દાઉદ ઇબ્રાહીમ પાકિસ્તાનના કરાંચી શહેરમાં પોતાના પરિવાર સાથે રહે છે. દાઉદને એક પુત્ર છે, જેનું નામ મોઇન ઇબ્રાહીમ છે. મોઇન ઇબ્રાહિમ જેને મોઇન કાસકરના નામે પણ ઓળખવામાં આવે છે. 

આ પણ વાંચો: દાઉદની સંપત્તિ ખરીદવા ગજાબહાર બોલી લગાવી! ચૂકવણી માટે નથી પૈસા, કહ્યું- જુગાડ કરી રહ્યો છું

ધર્મ પ્રત્યે છે લગાવ

પોલીસે જ્યારે દાઉદ ઇબ્રાહીમના ભાઇ ઇકબાલ કાસકરને પકડ્યો હતો. તો તેણે જણાવ્યું હતું કે દાઉદ ઇબ્રાહીમ ડિપ્રેશનમાં જતો રહ્યો હતો. ત્યારે તેના પછી તેના બિઝનેસને સંભાળનાર કોઇ ન હતું. તેનો પુત્ર મોઇન ઇબ્રાહીમ બિઝનેસમાં બિલકુલ રસ ધરાવતો ન હતો. તેને ધર્મ પ્રત્યે વધુ લગાવ હતો અને તે મસ્જિદમાં વધુ સમય વિતાવતો હતો. વર્ષ 2017  માં સમાચાર આવ્યા હતા કે દાઉદ ઇબ્રાહીમનો પુત્ર મૌલાના બની ગયો છે. જો કે આ સમાચાર કોઇ પુષ્ટિ થઇ શકી નથી.