પપ્પા, તમારી આશાઓ, મારી જવાબદારી...: પિતા રાજીવ ગાંધીની પુણ્યતિથિ પર ભાવુક થયા રાહુલ ગાંધી

Image: Twitter

Rajiv Gandhi Death Anniversary: કોંગ્રેસના નેતા રાહુલ ગાંધીએ પોતાના પિતા અને ભારતના પૂર્વ વડાપ્રધાન રાજીવ ગાંધીની પુણ્યતિથિ પર તેમને યાદ કરતા એક ભાવુક સંદેશ લખ્યો છે. મંગળવારે રાહુલ ગાંધીએ ટ્વીટર પર પોતાના પિતાની સાથે બાળપણની એક તસવીર પણ શેર કરી છે.  

રાહુલ ગાંધીએ એક્સ પર લખ્યુ, 'પપ્પા, તમારા સપના, મારા સપના, તમારી આકાંક્ષાઓ, મારી જવાબદારીઓ. તમારી યાદો. આજે અને હંમેશા, દિલ્હીમાં સદા. રાહુલ ગાંધીએ આ મેસેજની સાથે જે તસવીર શેર કરી છે. તેમાં તે પોતાના પિતાની સાથે કોઈ રાજકીય યાત્રા પર જતા નજર આવી રહ્યા છે. રાજીવ ગાંધીની સાથે પાર્ટીના ઘણા સીનિયર લીડર પણ નજર આવી રહ્યા છે.

पापा,

आपके सपने, मेरे सपने,
आपकी आकांक्षाएं, मेरी ज़िम्मेदारियां।

आपकी यादें, आज और हमेशा, दिल में सदा। pic.twitter.com/lT8M7sk7dS

— Rahul Gandhi (@RahulGandhi) May 21, 2024

મલ્લિકાર્જુન ખડગેએ પણ કર્યાં યાદ

મલ્લિકાર્જુન ખડગેએ એક્સ પર લખ્યુ, 21 મી સદીના આધુનિક ભારતના સ્વપ્નદ્રષ્ટા, ભારતીય માહિતી ક્રાંતિના જનક, પંચાયતીરાજ સશક્તિકરણના સૂત્રધાર, અને શાંતિ અને સદ્ભાવના પ્રદાતા, પૂર્વ વડાપ્રધાન, ભારત રત્ન રાજીવ ગાંધીજીના બલિદાન દિવસ પર તેમને ભાવભીની શ્રદ્ધાંજલિ, ભારતને એક સુદ્રઢ અને સશક્ત રાષ્ટ્ર બનાવવામાં તેમના ઉલ્લેખનીય યોગદાનને હંમેશા યાદ કરવામાં આવશે. 

1991માં આજના જ દિવસે થઈ હતી હત્યા

તમિલનાડુના શ્રીપેરમ્બદૂરમાં 21 મે 1991એ એક ચૂંટણી રેલી દરમિયાન એક આત્મઘાતી હુમલામાં રાજીવ ગાંધીની હત્યા થઈ હતી. તપાસમાં જાણ થઈ હતી કે તેમની હત્યા એક મહિલાએ કરી, જે માનવ બોમ્બ બનાવીને ત્યાં આવી હતી. તે રાજીવ ગાંધીની પાસે પોતાની કમરમાં બોમ્બ બાંધીને ગઈ હતી. તે તેમના ચરણ સ્પર્શ કરવા ઝૂકી અને પોતાની કમરમાં લાગેલા બોમ્બનું ટ્રિગર દબાવી દીધું. તે બાદ થયેલા વિસ્ફોટમાં રાજીવ ગાંધી સહિત 18 લોકોના મોત થયા હતા.