વધુ એક વાવાઝોડાનું સંકટ! આગામી 24 કલાક 'ભારે', જાણો ક્યાં સૌથી વધુ ખતરો

Cyclone Alert: ભારતીય હવામાન વિભાગ (IMD) એ દક્ષિણ-પશ્ચિમ બંગાળની ખાડી પર સર્જાતાં ડીપ ડિપ્રેશનના કારણે 24 કલાકમાં વાવાઝોડાના સંકટની આગાહી કરી છે. IMD અનુસાર, છેલ્લા કેટલાક દિવસોથી વાવાઝોડા અને ઉષ્ણકટિબંધીય તોફાનનો ખતરો તમિલનાડુના દરિયાકાંઠે સૌથી વધુ જોવા મળશે.  

બંગાળની ખાડીમાં ડીપ ડિપ્રેશનના કારણે આવશે વાવાઝોડું 

હાલમાં બંગાળની ખાડીના દક્ષિણ-પશ્ચિમમાં સ્થિત આ ડીપ પ્રેશરના કારણે 12 કિમી પ્રતિ કલાકની ઝડપે ઉત્તર-ઉત્તર-પશ્ચિમ તરફ આગળ વધી રહ્યું છે. તે હાલમાં ત્રિંકોમાલીથી લગભગ 310 કિમી દક્ષિણ-પૂર્વમાં, નાગાપટ્ટિનમથી 590 કિમી દક્ષિણ-દક્ષિણપૂર્વમાં, પુડુચેરીના 710 કિમી દક્ષિણ-દક્ષિણપૂર્વમાં અને ચેન્નાઈના 800 કિમી દક્ષિણ-દક્ષિણપૂર્વમાં સ્થિત છે. આ વાવાઝોડું ઉત્તર-ઉત્તર પશ્ચિમ તરફ આગળ વધીને શ્રીલંકાના દરિયાકાંઠાને પાર કરીને ભારતીય સીમા તરફ આગળ વધશે.

તમિલનાડુ વાવાઝોડાનું એલર્ટ

IMDએ આગાહી કરી છે કે ભારે પવન 27 નવેમ્બરે વાવાઝોડામાં ફેરવાઈ શકે છે, આથી અધિકારીઓ અને રહેવાસીઓ તરફથી પૂરતી તકેદારી રાખવામાં આવશે. તેમજ વાવાઝોડાના કારણે તમિલનાડુના દરિયાકાંઠે ભારે વરસાદ અને તેજ પવન ફૂંકાઈ શકે છે. આથી દરિયાકાંઠાના સમુદાયોને અપડેટ રહેવા અને સ્થાનિક અધિકારીઓની સલામતી સૂચનાઓનું પાલન કરવાની સલાહ આપવામાં આવી છે.

આ પણ વાંચો: ઝારખંડમાં ચૂંટણી જીતીને પણ કોંગ્રેસની સ્થિતિ જમ્મૂ કાશ્મીર જેવી થઈ? સરકારમાં ભાગીદારીના ફાંફાં

આગામી 48 કલાક ઝડપી પવનની અસર રહેશે 

આ ઝડપી પવન વાવાઝોડામાં પરિવર્તિત થાય કે ન થાય, પરંતુ આગામી 48 કલાક તમિલનાડુ, પુડુચેરી, કરાઈકલ અને દક્ષિણ આંધ્ર પ્રદેશમાં ખરાબ હવામાન રહેશે. ભારે વરસાદ સામાન્ય જનજીવનને ખોરવી શકે છે અને સંદેશાવ્યવહાર અને કનેક્ટિવિટી પર પણ અસર થઈ શકે છે. તેથી, લોકોને સલામત સ્થળોએ ખસેડવા જેવા તમામ સાવચેતીનાં પગલાં અમલમાં મૂકવા મહત્ત્વપૂર્ણ છે.

વાવાઝોડાની ગુજરાત પર શું અસર રહેશે?

બંગાળની ખાડીમાં લો પ્રેશરના કારણે બંગાળની ખાડીમાં દક્ષિણ તરફ એટલે કે તામિલનાડુથી પૂર્વ અને શ્રીલંકા તરફ ઝડપી પવન ફૂંકાશે. પરંતુ આ વાવાઝોડાથી ગુજરાતને કોઈ ખતરો નથી.