VIDEO : ઘરમાં ઘૂસી બધી બિયર પી ગઈ ગાય, પછી ક્યારેય ન જોયા હોય તેવા દૃશ્યો દેખાયા

Cow Drank beer : સોશિયલ મીડિયા પર હાલમાં એક વીડિયો વાયરલ થઈ રહ્યો છે. જ્યા એક ખુલ્લા ઘરમાં ઘૂસીને ગાય બીયર પી ગઈ હતી. જે પછી ગાય બહાર નીકળી તો જોવા જેવું થયું હતું. આપણે સૌ એ જાણીએ છીએ કે દારુ અને બીયર પીવાથી લોકોને કેવો નશો ચડે છે. અને તે પછી વ્યક્તિ નશામાં કેવી ઉલટી-સીધી હરકતો કરે છે, પરંતુ શું તમે ક્યારેય વિચાર્યું છે, કે જો કોઈ પ્રાણી દારૂ કે બિયર પી જાય તો શું થશે? હા, તેની કલ્પના કરવી થોડી અઘરી છે, પરંતુ તાજેતરમાં આવો જ એક વીડિયો સોશિયલ મીડિયા પર ઝડપથી વાયરલ થઈ રહ્યો છે. જેમાં એક ગાય ઘરમાં ઘૂસી અંદર રાખેલ તમામ બિયર પી ગઈ હતી. જે બાદ તેની હાલત જોવા જેવી છે.

આ પણ વાંચો : ઈન્ડિગોના એકસાથે 5 વિમાનોને બોમ્બથી ઉડાવી દેવાની ધમકીથી હડકંપ, ઈમરજન્સી લેન્ડિંગ કરાવાઈ

ગાયે બીયર પી લીધી 

સોશિયલ મીડિયા પર અવારનવાર વિવિધ પ્રકારના વીડિયો વાયરલ થતા રહેતા હોય છે, જેમાં વાંદરાઓ દારૂ પીતા અને નશામાં ડાન્સ કરતા જોવા મળે છે. પરંતુ ગાય સાથે આવો કિસ્સો ભાગ્યે જ જોવા મળે છે. આ વીડિયોમાં જોવા મળી રહ્યું છે કે, એક ગાય ઘરનો દરવાજો ખુલ્લો જોઈને ત્યા ઘૂસી જાય છે, અને પછી ઘરમાં રાખેલી બિયર પી લે છે. ઘરમાં રાખેલી તમામ બિયર ગટગટાવ્યા પછી થોડીવાર તો ગાય ઘરની અંદર બેસી રહે છે. પછી ઘરની બહાર નીકળે છે. જાણ્યે-અજાણ્યે ગાય પણ અજીબો-ગરીબ હરકતો કરવા લાગે છે. ઘરની બહાર નીકળ્યા પછી તે ડગમગાવા લાગે છે અને પછી તે ધડામ દઈને જમીન પર પડી જાય છે.

આ પણ વાંચો : 45 વર્ષનું સૌથી વધુ રિટર્ન! 2024માં સોનાએ તોડ્યો રેકૉર્ડ, જાણો ક્યારે કેટલા વધ્યા ભાવ

વીડિયોને મળ્યા લાખો વ્યૂઝ

સોશિયલ મીડિયા પર વાયરલ થઈ રહેલા આ વીડિયો X પર @Am_Blujay નામના એકાઉન્ટથી શેર કરવામાં આવ્યો છે. તેની કેપ્શનમાં લખ્યું છે કે, ગાયા દરવાજો ખુલ્લો જોઈ ઘરમાં પ્રવેશે અને અંદર રાખેલી તમામ બીયર પી લે છે. વીડિયો શેર કર્યા બાદ તેને અત્યાર સુધીમાં 7.3 મિલિયન વ્યૂઝ અને 52 હજાર લાઈક્સ મળી ચૂકી છે. કેટલાક લોકોએ વીડિયો પર કોમેન્ટ કરીને પોતપોતાની પ્રતિક્રિયાઓ આપી છે.