દિલ્હીમાં ફરી ત્રિશંકુ વિધાનસભા? કોંગ્રેસ મજબૂત થવાની આશંકાથી AAP ભયભીત

Delhi Vidhan Sabha Elections : દિલ્હીમાં વિધાનસભાની ચૂંટણીની તારીખો જાહેર કરવામાં આવી નથી તેમ છતાં ઉમેદવારોની જાહેરાત સાથે પ્રચારે જોર પકડ્યું છે. છેલ્લી ત્રણ ચૂંટણીના પરિણામોના વિશ્લેષણ પરથી આ વાત સ્પષ્ટ થાય છે કે આ ચૂંટણી દરમિયાન મુખ્ય સ્પર્ધા આમ આદમી પાર્ટી (AAP) અને ભારતીય જનતા પાર્ટી (BJP) વચ્ચે હોઈ શકે છે, પરંતુ કોંગ્રેસ, જે 10 વર્ષથી વિધાનસભામાંથી 'આઉટ' છે, તે પણ એક મહત્વપૂર્ણ પરિબળ છે. આગામી ચૂંટણી પરિણામ કોંગ્રેસની મજબુતાઈ કે તેના નબળા પ્રદર્શન પર આધાર રાખે છે. 

2013માં જ્યારે કોંગ્રેસ મજબૂત હતી, ત્યારે AAP ભાજપથી પાછળ રહી ગઈ હતી

ભ્રષ્ટાચાર વિરોધી ચળવળના કારણે શરુ થયેલી AAP વર્ષ 2013માં પહેલીવાર ચૂંટણી મેદાનમાં ઉતરી ત્યારે 28 બેઠકો જીતીને તેણે સૌને ચોંકાવી દીધા હતા. ભાજપ 31 બેઠકો સાથે આગળ હતું જ્યારે 15 વર્ષના શાસન બાદ કોંગ્રેસ 8 બેઠકો પર આવી ગઈ હતી. ત્યારબાદ ભાજપને 33.3% વોટ શેર મળ્યા જ્યારે AAPને 29.7% મતદારોએ પસંદ કર્યા. કોંગ્રેસ 24.7% વોટ મેળવવામાં સફળ રહી હતી.

2015માં કોંગ્રેસનું વર્ચસ્વ ઘટતા AAP વિશાળ બહુમતી પર પહોંચી

AAPએ કોંગ્રેસની નબળાઈનો કેવી રીતે ફાયદો ઉઠાવ્યો તે 2015ના ચૂંટણી પરિણામોમાં સ્પષ્ટ દેખાય છે. AAPએ બે વર્ષ પહેલાં 24%થી વધુ વોટ શેર મેળવ્યા હતા, તે પછી તે માત્ર 9% મતદારોને જાળવી શક્યું હતું. પરિણામ એ આવ્યું કે AAPને 54% મત મળ્યા અને 70માંથી 68 બેઠકો જીતી. મુસ્લિમો, દલિતો અને કોંગ્રેસના અન્ય પરંપરાગત મતદારો AAP તરફ વળ્યા હતા. ત્યારથી આ મતદારો AAP સાથે જ રહ્યા છે.

2020માં કોંગ્રેસ નબળી પડી

2020ની વિધાનસભા ચૂંટણીમાં કોંગ્રેસ વધુ નબળી પડી છે. આ જ કારણ છે કે પહેલા કરતા વધુ વોટ શેર મળવા છતાં ભાજપ માત્ર 8 બેઠક જીતી શકી અને AAP 62 બેઠક જીતી શકી. ગત ચૂંટણીમાં AAPને 53.8% વોટ મળ્યા હતા જ્યારે બીજેપીએ લગભગ 39% વોટ મળ્યા હતા. ત્યારે કોંગ્રેસને 9થી ઘટીને 4.3% વોટ મળ્યા હતા. કૉંગ્રેસના વધુ મતદારો AAP તરફ વળવાને કારણે, BJP માત્ર 8 બેઠક જ મળી હતી.

આ પણ વાંચો: ત્રણ દિવસ સુધી જમીનમાંથી નીકળ્યું પાણી, ખેતરમાં જ બની ગયું સરોવર... આખો ટ્રક જમીનમાં સમાઈ ગયો

શું કોંગ્રેસ પોતાના મતદારોને પાછા ખેંચી શકશે?

દિલ્હીમાં વિધાનસભાની ચૂંટણીના પરિણામ મોટાભાગે તેના પર નિર્ભર રહેશે કે કોંગ્રેસ તેના મતદારોને આકર્ષવામાં સક્ષમ છે કે નહીં. આ વખતે, ઘણું હોમવર્ક કર્યા પછી, પાર્ટીએ અડધાથી વધુ બેઠકો પર ઉમેદવારોની જાહેરાત કરી છે. જ્યારે પૂર્વ સીએમ શીલા દીક્ષિતના પુત્ર સંદીપ દીક્ષિતને અરવિંદ કેજરીવાલ સામે મેદાનમાં ઉતારવામાં આવ્યા છે, ત્યારે મુસ્લિમ અને દલિત મતદારોને ધ્યાનમાં રાખીને જંગપુરાથી ફરહાદ સૂરીને ટિકિટ આપીને મનીષ સિસોદિયાની મુશ્કેલીમાં વધારો કરવાની સંપૂર્ણ વ્યવસ્થા કરવામાં આવી છે. 

કોંગ્રેસના આ વલણથી AAPની ચિંતા વધી

ઘણી બેઠકો પર મજબૂત ઉમેદવારો ઉભા કરવામાં આવ્યા છે. સાથે જ અનેક બેઠકો પર નવા અને યુવા ચહેરાઓને પણ તક આપીને સ્થિતિ બદલવાનો પ્રયાસ કરવામાં આવ્યો છે. પાર્ટી કેજરીવાલ પર પોતાના આક્રમક વલણ દ્વારા પોતાને સ્પર્ધામાં લાવવાનો પ્રયાસ કરી રહી છે. કોંગ્રેસના આ વલણથી AAPની ચિંતા વધી છે. પાર્ટીના રણનીતિકારો જાણે છે કે જો કોંગ્રેસ પોતાની વોટ બેંકના મોટા હિસ્સાને આકર્ષવામાં સફળ થશે તો તેના માટે મુશ્કેલીઓ વધી જશે.