કોંગ્રેસે બનાવી 'EAGLE' ટીમ: ચૂંટણી પરિણામ અને મતદાર યાદીમાં ગરબડની ફરિયાદો પર કરશે તપાસ

Congress formed 'EAGLE' team: દેશમાં ફ્રી અને નિષ્પક્ષ ચૂંટણીના મુદ્દાને ધ્યાનમાં રાખીને કોંગ્રેસે 'EAGLE' ટીમની રચના કરી છે. EAGLE એટલે  Empowered Action Group of Leaders and Experts.(નેતાઓ અને નિષ્ણાતોનું સશક્ત કાર્ય ગ્રુપ ) આ ટીમ દરેક ચૂંટણી પરિણામો અને મતદાર યાદીઓનું વિશ્લેષણ કરશે અને પક્ષના નેતૃત્વને રિપોર્ટ સુપરત કરશે. 'EAGLE' ને આપવામાં આવેલું પહેલું કાર્ય મહારાષ્ટ્ર ચૂંટણીઓ સંબંધિત છે, જ્યાં તેઓ મતદાર યાદીમાં છેડછાડના મુદ્દે હાઇકમાન્ડને વિસ્તૃત રિપોર્ટ સોપશે. 

આ પણ વાંચો : ભાજપમાં અંદરોઅંદર ડખા: દિગ્ગજ નેતાએ કહ્યું- CM ઈચ્છે તો મારું રાજીનામું લઈ લે

કોંગ્રેસના મહાસચિવ કેસી વેણુગોપાલ દ્વારા જારી કરવામાં આવેલા એક જાહેરનામામાં કહેવામાં આવ્યું છે કે, કોંગ્રેસ અધ્યક્ષે ભારતના ચૂંટણી પંચ દ્વારા મુક્ત અને નિષ્પક્ષ ચૂંટણીઓના સંચાલન પર દેખરેખ રાખવા માટે તાત્કાલિક અસરથી નેતાઓ અને નિષ્ણાતોના એક સશક્ત કાર્યકારી જૂથ (EAGLE) ની રચના કરી છે. જેમાં આઠ સભ્યોનો સમાવેશ કરવામાં આવ્યો છે.

પાછલી ચૂંટણીના પરિણામોની પણ તપાસ કરશે

કેસી વેણુગોપાલ દ્વારા જારી કરાયેલા નોટિફિકેશન પ્રમાણે આ સમિતિ સૌપ્રથમ મહારાષ્ટ્રની મતદાર યાદીમાં થયેલી છેડછાડનો મુદ્દો ઉઠાવશે અને શક્ય તેટલી વહેલી તકે નેતૃત્વને વિગતવાર અહેવાલ સુપરત કરશે. આ ઉપરાંત 'EAGLE'અન્ય રાજ્યોમાં અગાઉની ચૂંટણીઓનું પણ વિશ્લેષણ કરશે અને આગામી ચૂંટણીઓ અને દેશમાં મુક્ત અને ન્યાયી ચૂંટણીઓ સંબંધિત અન્ય તમામ મુદ્દાઓનું સક્રિયપણે નિરીક્ષણ કરશે.

આ પણ વાંચો : 'કોંગ્રેસ જૉઈન કરશે સંજય રાઉત, ઉદ્ધવ ઠાકરે મદદ નથી કરી રહ્યા', ભાજપના દિગ્ગજ નેતાનો દાવો

'ઈગલ' ટીમના સભ્યો

1. અજય માકન
2. દિગ્વિજય સિંહ
3. અભિષેક સિંઘવી
4. પ્રવીણ ચક્રવર્તી
5. પવન ખેરા
6. ગુરદીપ સિંહ સપ્પલ
7. નીતિન રાઉત
8. ચલ્લા વંશી ચંદ રેડ્ડી

કોંગ્રેસ અને વિપક્ષ લગાવી રહ્યા છે, ચૂંટણીમાં ગોટાળાનો આરોપ 

કોંગ્રેસ અને અન્ય વિપક્ષીદળો સતત આરોપ લગાવતા રહ્યા છે, કે ભાજપને ફાયદો કરાવવા માટે EVM સાથે છેડછાડ કરી શકાય છે. લોકસભાની ચૂંટણીઓ અને તાજેતરની વિધાનસભાની ચૂંટણીઓ દરમિયાન, આ આરોપો વધુ જોરશોરથી ઉઠાવવામાં આવ્યા હતા, જેમાં વિપક્ષે કેટલાક કિસ્સાઓમાં EVM બેટરીઓ ડિસ્ચાર્જ ન થવાના કિસ્સાઓનું ઉદાહરણ આપ્યું હતું. વિપક્ષે મતદાનમાં અચાનક થયેલા વધારા અંગે પણ ચિંતા વ્યક્ત કરી હતી અને તેને સંભવિત ગોટાળાને જવાબદાર ઠેરવ્યા હતા. આ  સાથે EVM પર મતદાન દરમિયાન VVPAT સ્લિપની ગણતરી કરવાની પણ માંગ કરી હતી.