પહેલા ધોરણમાં બાળકનું એડમિશન કરાવી રહ્યા છો, તો જાણો સરકારે નવી શિક્ષણ નીતિમાં શું કર્યા છે ફેરફાર...

જો તમે આ વર્ષે અથવા આવનારા વર્ષમાં તમારા બાળકને પહેલા ધોરણમાં પ્રવેશ અપાવવાના હોવ તો આ સમાચાર તમારા માટે છે. ધોરણ 1માં એડમિશન માટે તેની ઉંમર 6 કે તેથી વધુ હોવી જોઈએ. નવી શિક્ષણ નીતિના નિયમો મુજબ 2023 માં કેન્દ્રીય શિક્ષણ મંત્રાલયે આ બાબતે એક નોટિસ તૈયાર કરી રાજ્યોને મોકલી હતી. હવે આ સૂચનાઓને રિપીટ કરી ફરીથી મોકલવામાં આવી છે.

Department of School Education & Literacy, Ministry of Education, in a letter dated 15.02.2024, with reference to D.O. letter No. 9-2/20- IS-3 dated 31.03.2021 followed by D.O. letter of even number dated 09.02.2023, requested all states/UTs to ensure that the age of admission to… pic.twitter.com/RoIrA9h9IC

— Ministry of Education (@EduMinOfIndia) February 25, 2024

પહેલા ધોરણમાં પ્રવેશ માટે છ વર્ષ પૂરા થયેલા હોવા જરુરી 

બાળકને પહેલા ધોરણમાં એડમિશન મેળવવા માટે તેની ઉંમર જુલાઈ મહિનામાં છ વર્ષ પૂરા થયેલા હોવા જોઈએ. છ વર્ષનો અર્થ સાડા પાંચ વર્ષ કે સવા પાંચ વર્ષ નહીં પરંતુ છ વર્ષથી ઉપર હોવા જોઈએ. શિક્ષણ મંત્રાલયે 15 ફેબ્રુઆરી 2024ના રોજ એક પત્ર જારી કર્યો હતો. તેમાં સ્પષ્ટ લખ્યું છે કે, શૈક્ષણિક સત્ર 2024-25 માટે એડમિશન પ્રક્રિયા ટૂંક સમયમાં શરૂ થઈ જશે. જેમા એવી આશા કરવામાં આવે છે કે દરેક રાજ્યો અને કેન્દ્રશાસિત પ્રદેશોમાં ગ્રેડ વનમાં એડમિશન માટે બાળકની ઉંમર હવે 6 વર્ષથી વધારે હશે. શિક્ષણ મંત્રાલયે તેના એક્સ હેન્ડલ પર આ વિશેની માહિતી આપી છે.  NEP 2020 અને બાળકોને મફત અને ફરજિયાત શિક્ષણના અધિકાર (RTE એક્ટ 2009) હેઠળ આ નિર્ણય લેવામાં આવ્યો છે.

નવી શિક્ષણ નીતિમાં 5+3+3+4 ફોર્મેટનો અમલ કરવાં આવશે

નવી શિક્ષણ નીતિમાં 10+2 ફોર્મેટને સંપૂર્ણપણે નાબૂદ કરવામાં આવ્યું છે અને હવે 5+3+3+4 ફોર્મેટનો અમલ કરવાં આવશે. એટલે હવે સ્કૂલના પહેલા પાંચ વર્ષ દરમિયાન પ્રિ-પ્રાયમરી સ્કૂલના ત્રણ વર્ષ ધોરણ 1 અને 2 માટેના ફાઉંડેશન સ્ટેજનો સમાવેશ થશે. ત્યારબાદના ત્રણ વર્ષને ધોરણ 3 થી 5 માટે તૈયારીના તબક્કામાં વિભાજિત કરાશે. એ પછીના ત્રણ વર્ષ મધ્યમ તબક્કો એટલે કે ધોરણ 6 થી 8નો રહેશે, અને માધ્યમિક તબક્કાના ચાર વર્ષ જેમા ધોરણ 9 થી 12નો સમાવેશ કરવામાં આવ્યો છે. આ સિવાય સ્કૂલોમાં આર્ટસ, કોમર્સ, સાયન્સ સ્ટ્રીમનું કોઈ કડક પાલન નહીં થાય, એટલે કે હવે વિદ્યાર્થીઓને ગમે તે કોર્સ લઈ શકે છે.