'જાતિ જન્મના આધારે નક્કી થાય છે, લોકો અહંકાર ખતમ કરે..' RSS નેતાનું મોટું નિવેદન

Image: Facebook

Suresh Bhaiyyaji Joshi on Caste System: રાષ્ટ્રીય સ્વયંસેવક સંઘ (RSS) દ્વારા દશેરાએ પથ સંચાલનનો કાર્યક્રમ કરવામાં આવે છે. આની તૈયારી અંતિમ તબક્કામાં છે. જયપુરમાં પણ આને લઈને તૈયારી થઈ રહી છે. ત્રિવેણી નગર સ્થિત સામુદાયિક કેન્દ્રમાં સ્વયંસેવક એકત્ર થયા અને તેનો અભ્યાસ કર્યો. આ દરમિયાન આરએસએસ નેતા સુરેશ ભૈયાજી જોશીએ કાર્યકર્તાઓને સંબોધિત કરતાં જાતિ વ્યવસ્થાને લઈને મોટી વાત કહી છે.

સુરેશ ભૈયાજીએ કહ્યું, 'જાતિ જન્મના આધારે નક્કી થાય છે. શું કોઈ જણાવી શકે છે કે હરદ્વાર કઈ જાતિનું છે? શું 12 જ્યોતિર્લિંગ કઈ જાતિના છે? કયા દેશના અલગ-અલગ ભાગોમાં 51 શક્તિપીઠ કઈ જાતિના છે? જે લોકો પોતાને હિંદુ માને છે અને દેશના તમામ ભાગોમાં રહે છે. તે આ તમામને પોતાના માને છે. પછી વિભાજન ક્યાં છે ?

'જે રીતે રાજ્યોની સરહદો આપણી વચ્ચે કોઈ વિભાજન પેદા કરી શકતી નથી. તે રીતે જન્મના આધારે મળનારી વસ્તુઓ આપણને વિભાજિત કરી શકતી નથી. જો કોઈ ખોટી ધારણા છે, તો તેને બદલવી પડશે. જો કોઈ ભ્રમ કે બેકારનો અહંકાર છે તો તેને ખતમ કરવો પડશે.'