માયાવતીએ ભાજપને આપ્યું સમર્થન, કહ્યું- 'રાજકારણથી ઉપર ઉઠીને વિચારવું પડશે'

Mayawati Big Statement: બહુજન સમાજ પાર્ટી(BSP)ના અધ્યક્ષ અને પૂર્વ મુખ્યમંત્રી માયાવતીએ કહ્યું કે, 'બસપા સંસદમાં રજૂ થનારા 'એક દેશ એક ચૂંટણી' બિલને સમર્થન આપશે.' તેમણે કહ્યું કે, 'એક ચૂંટણી થવાથી વિકાસ કાર્ય અટકશે નહીં અને જનહિતના કાર્યોમાં પણ ચૂંટણીના ચક્કરમાં નહીં રોકાવું પડે. સાથે જ રાજકીય પક્ષો પર ચૂંટણીના ખર્ચનો બોજ ઓછો પડશે.' તેમણે તમામ રાજકીય પક્ષોને અપીલ કરી છે કે, 'એક દેશ એક ચૂંટણી'ના મુદ્દા પર રાજકારણથી ઉપર ઉઠીને વિચારવું પડશે.

કોંગ્રેસ પર આકરા પ્રહાર

રવિવારે બસપા હેડક્વાર્ટર લખનઉંમાં તેમણે પત્રકારોને કહ્યું કે, 'ડૉ. ભીમરાવ આંબેડકર જ્યારે કાયદા મંત્રી હતા તો તેમણે જોયું કે, કોંગ્રેસ બંધારણના હિસાબથી કામ નથી કરી રહી તો તેમણે તત્કાલિન વડાપ્રધાન જવાહરલાલ નેહરૂને પોતાનું રાજીનામું આપી દીધું હતું. કોંગ્રેસે ડૉ. આંબેડકરને સંસદમાં બોલવા નહોતા દીધા તો તેમણે મીડિયાની સામે પોતાની વાત રાખી હતી.'

આ પણ વાંચો: મોદી સરકાર કેમ એક દેશ, એક ચૂંટણી ઇચ્છે છે?, જાણો રાજકીય પક્ષોની અસંમતિના કારણ

તેમણે કોંગ્રેસ પર આકરા પ્રહાર કરતા કહ્યું કે, 'કોંગ્રેસે હંમેશાથી બંધારણ અને અનામતની આડમાં SC-ST અને પછાત લોકોના હિતને હાંસિયામાં ધકેલીને રાજનીતિ કરી છે. સંસદમાં બંધારણ પર ચર્ચા થઈ રહી છે, પરંતુ કોંગ્રેસ અને ભાજપ એકબીજા પર આરોપ-પ્રત્યારોપ લગાવી રહ્યા છે.'

કોંગ્રેસની રણનીતિથી સાવધાન રહોઃ માયાવતી

માયાવતીએ કહ્યું કે, 'બંધારણની સાર્થકતા ત્યારે જ પૂર્ણ થશે જ્યારે તેને ખુલ્લા મનથી સ્વીકાર કરવામાં આવે. જો આ સંભવ બનશે તો આજે 80 લોકોને બેરોજગારી અને મજબૂરીને લઈને સરકારી અનાજ પર નિર્ભર રહેવું પડ્યું હોત. કોંગ્રેસે બાબા સાહેબને ભારત રત્ન પણ ન આપ્યો. વીપી સિંહની સરકારે તેમને ભારત રત્ન આપ્યો હતો. આ પ્રકાર બસપાના સંસ્થાપક કાંશીરામના મૃત્યુ બાદ કોંગ્રેસ એક દિવસનો રાષ્ટ્રીય શોક પણ જાહેર નહોતો કર્યો. તેમણે લોકોને અપીલ કરી કે તેઓ કોંગ્રેસની રણનીતિથી સાવધાન રહેજો.'

આ પણ વાંચો: ભારતમાં ઘણો જૂનો છે ‘એક દેશ, એક ચૂંટણી’નો ઈતિહાસ, ક્યારે બંધ થઈ આ પ્રથા