બોલીવુડ અભિનેત્રીનું માત્ર ૧૯ વર્ષે નિધન, દંગલમાં ચાઇલ્ડ આર્ટિસ્ટ તરીકે થઇ હતી ફેમસ

નવી દિલ્હી,૧૭ ફેબુ્આરી,૨૦૨૪,શનિવાર 

૨૦૧૬માં આમિરખાનની બ્લોક બસ્ટર ફિલ્મ દંગલથી ચાઇલ્ડ આર્ટિસ્ટ તરીકે લાઇમ લાઇટમાં આવેલી સુહાના ભટનાગરનું માત્ર ૧૯ વર્ષની વયે નિધન થયું છે. દંગલ ફિલ્મમાં બબીતા ફોગાટની અસરદાર ભૂમિકા નિભાવ્યા પછી ફેમસ થયેલી સુહાનાએ ત્યાર પછી ફિલ્મોમાં કામ કરવાનું બંધ કરીને અભ્યાસ પર ધ્યાન આપવા માંડી હતી. ધાર્યુ હોતતો ફિલ્મો સાઇન કરવા માટે લાઇન લાગી હોત પરંતુ તેણે બ્રેક લેવાનું પસંદ કર્યુ હતું.  દંગલ ચાઇલ્ડએ સુહાનીએ અનેક ઇન્ટરવ્યુમાં સ્પષ્ટતા કરી હતી કે અભ્યાસ પછી સિનેમા જગતમાં પાછી ફરશે. 

સુહાની ભટનાગર ઘણા સમયથી સોશિયલ મીડિયામાં પણ સક્રિય રહેતી ન હતી. અચાનક જ સુહાનીનું ટ્રાન્સફોર્મેશન જોઇને લોકો આશ્ચર્યચકિત થયા હતા. સુહાનીનો લૂક ઘણો બદલાઇ ગયો હતો. તે પહેલા કરતા પણ વધારે ગ્લેમરસ લાગતી હતી. દંગલથી ખ્યાતનામ થયેલી સુહાની અનેક ટીવી એડમાં પણ કામ કર્યુ હતું. પ્રાપ્ત માહિતી અનુસાર ફરીદાબાદની રહેવાસી સુહાનીને કેટલાક સમય પહેલા એકસીડેન્ટ થયો હતો. એકસીડન્ટ થવાથી પગમાં ફ્રેકચર થયું હતું. તેના ઇલાજ માટે જે દવાઓ લીધી એની સાઇડ ઇફેકટસ થવાથી શરીરમાં પાણી ભરાઇ ગયું હતું. ઘણા સમયથી દિલ્હીની એમ્સ હોસ્પિટલમાં સારવાર હેઠળ હતી.