પાડોશી રાજ્યમાં કોયડો ગુંચવાતા ભાજપ મુશ્કેલીમાં, સાથી પક્ષોએ માગી વિધાનસભાની આટલી બેઠકો

Image: Facebook

Maharashtra Assembly Election 2024: આ વર્ષના અંતમાં મહારાષ્ટ્રમાં વિધાનસભા ચૂંટણી થવાની છે. આ માટે શાસક ગઠબંધનમાં બેઠકોની વહેંચણી પર વાતચીત પણ સત્તાવાર રીતે શરૂ થઈ નથી. જોકે, બેઠકો માટે ઘટક દળોની વચ્ચે ખેંચતાણ શરૂ થઈ ચૂકી છે. મહારાષ્ટ્ર વિધાનસભામાં 288 બેઠકો છે. એનડીએમાં સામેલ ઘટક દળોની માગને જોઈએ તો આ ગણિતને ઉકેલવું સરળ દેખાઈ રહ્યું નથી.

એક રિપોર્ટ અનુસાર ભાજપ 150 બેઠકો પર ચૂંટણી લડવા ઈચ્છે છે. મુખ્યમંત્રી એકનાથ શિંદેના નેતૃત્વવાળી શિવસેનાને 100 બેઠકો જોઈએ. જ્યારે નાયબ મુખ્યમંત્રી અજીત પવારની એનસીપી 80 બેઠકો ઈચ્છે છે. લઘુતમ આંકડાને એકસાથે જોડીએ તો આ સંખ્યા વિધાનસભાની કુલ સંખ્યાથી 40 વધુ છે. આ કારણ છે કે ઘટક દળોની વચ્ચે વાતચીતનો સમય શરૂ થવાનો છે.

મહારાષ્ટ્રમાં ભાજપ માટે ઘટક દળોને સાથે રાખવા એટલા માટે પણ મહત્વપૂર્ણ થઈ જાય છે કેમ કે લોકસભા ચૂંટણીમાં ભગવા જૂથનું ત્યાં ખૂબ નિરાશાજનક પ્રદર્શન રહ્યું હતું. 48માંથી માત્ર 17 બેઠકો પર જીત મળી હતી. મહા વિકાસ અઘાડીને 30 બેઠકો પર શાનદાર જીત મળી હતી. નિષ્ણાતોનું કહેવું છે કે ચૂંટણી માટે બેઠક વહેંચણીને લઈને અસહમતિએ એનડીએના ખરાબ પ્રદર્શનમાં મહત્વની ભૂમિકા નિભાવી.

સૂત્રોના જણાવ્યા અનુસાર અજીત પવારે ગુરુવારે નવી દિલ્હીમાં ભાજપના સાથી નાયબ મુખ્યમંત્રી દેવેન્દ્ર ફડણવીસની સાથે ગૃહ મંત્રી અમિત શાહ સાથે મુલાકાત કરી અને બેઠકોની વહેંચણી પર ચર્ચા કરી. તેમણે કહ્યું કે જુનિયર પવાર પર પોતાની પાર્ટીના નેતાઓનું દબાણ છે કે તેઓ 80-90 બેઠકોથી ઓછી બેઠકો પર સમાધાન ન કરે. તેમનો તર્ક છે કે તેમને તે તમામ 54 બેઠકો પર ચૂંટણી લડવી જોઈએ, જેને અવિભાજિત એનસીપીએ 2019ની વિધાનસભા ચૂંટણીમાં જીતી હતી. શરદ પવારના નેતૃત્વવાળી અવિભાજિત એનસીપીએ 2019ની ચૂંટણીમાં કોંગ્રેસની સાથે ગઠબંધનમાં 120થી વધુ બેઠકો પર ચૂંટણી લડી હતી.

શાસક ગઠબંધનના આંતરિક સૂત્રોએ કહ્યું કે અજીત પવાર જૂથ જાણે છે કે તે મુશ્કેલ સ્થિતિમાં છે. લોકસભા ચૂંટણીમાં શરદ પવાર જૂથે આઠ બેઠકો પર જીત મેળવી. તેમને માત્ર એક લોકસભા બેઠક પર સફળતા મળી. બારામતી બેઠક પણ હારી ગયા. અજીત પવારે પોતાના પત્ની સુનેત્રાને પોતાની પિતરાઈ બહેન અને શરદ પવારની પુત્રી સુપ્રિયા સૂળે વિરુદ્ધ મેદાનમાં ઉતારીને પ્રતિષ્ઠાની લડત બનાવી દીધી હતી.

લોકસભા ચૂંટણીના પરિણામ બાદથી જ અટકળો લગાવાઈ રહી છે કે અજીત પવારની પાર્ટીના ઘણા નેતા ગયા વર્ષે જુલાઈમાં એનસીપીના વિભાજન બાદ પાછા ફરવા માટે શરદ પવારના જૂથના સંપર્કમાં છે. તેનાથી અજીત પવાર પર આ દબાણ વધી રહ્યું છે કે એ નક્કી કરો કે પાર્ટી પૂરતા ઉમેદવાર ઉતારી શકે જેથી અસંતોષને ઘટાડી શકાય.

લોકસભા ચૂંટણીના પરિણામ બાદ એક સાપ્તાહિક પત્રિકામાં છપાયેલા લેખમાં ભાજપની અજીત પવારની એનસીપીની સાથે ગઠબંધન કરીને ચૂંટણી લડવાની ટીકા કરવામાં આવી હતી.

જોકે સહયોગી દળોએ આવા કોઈ પણ અસંતોષને ફગાવી દીધો છે. આ મહિનાની શરૂઆતમાં વિધાન પરિષદ ચૂંટણીમાં ગઠબંધને શાનદાર પ્રદર્શન કર્યું. ભાજપ નેતા અને કેન્દ્રીય મંત્રી નારાયણ રાણે શુક્રવારે ફરીથી હલચલ મચાવતા જોવા મળ્યાં. એક પ્રેસ કોન્ફરન્સમાં જ્યારે તેમને પૂછવામાં આવ્યું કે વિધાનસભા ચૂંટણીમાં ભાજપ કેટલી બેઠકો પર ચૂંટણી લડશે તો તેમણે મજાકમાં કહ્યું, 'હુ ઈચ્છીશ કે ભાજપ તમામ 288 બેઠકો પર પોતાના ઉમેદવાર ઉતારે.'