બિહારના ફેમસ સિંગર શારદા સિન્હાનું નિધન, દિલ્હી AIIMSમાં લીધા અંતિમ શ્વાસ

Sharda Sinha Death : પદ્મ પુરસ્કારથી સન્માનિત બિહારના પ્રખ્યાત સિંગર શારદા સિન્હા હવે દુનિયામાં નથી રહ્યા. મંગળવારે દિલ્હીની AIIMSમાં મોડી સાંજે અંતિમ શ્વાસ લીધા. સોમવાર સાંજથી જ શારદા સિન્હાની તબિયત વધુ બગડી હતી અને તેમને વેન્ટિલેટર પર રખાયા હતા. મંગળવારે તેમનું 72 વર્ષની વયે નિધન થયું.

તેમના નિધનના સમાચાર ફેલાતા જ તેમના ચાહકોને ઝટકો લાગ્યો છે. શારદા સિન્હાએ ગાયેલા છઠ ગીત હજુ ચારેકોર વાગી રહ્યા છે અને આ તહેવાર વચ્ચે તેમના નિધનના સમાચારથી ચાહકોમાં શોકની લહેર પ્રસરી ગઈ છે.