ભાજપ નેતાની ગોળી મારી હત્યા કરાતા હડકંપ, પટણામાં બદમાશોએ ઘરની સામે જ જીવ લીધો

Bihar Patna BJP Leader died news | બિહારની રાજધાની પટણામાં ભાજપના નેતાની ગોળી મારી હત્યા કરવાનો ચોંકાવનારો મામલો સામે આવ્યો છે. આ ઘટના પટણા સિટીના આલમગંજ પોલીસ સ્ટેશનની હદમાં આવેલા બજરંગપુરી વિસ્તારમાં બની હતી. 

दिनांक 13.08.24 को #आलमगंज थानान्तर्गत बजरंगपुरी में बाईक सवार 02 अज्ञात अपराधकर्मी के द्वारा एक व्यक्ति को गोली मारकर हत्या कर देने की सूचना प्राप्त हुई।

इस संबंध में @EastSP_Patna द्वारा दी गई बाइट pic.twitter.com/3hlvsEkMNa

— Patna Police (@PatnaPolice24x7) August 13, 2024

રાતે 10 વાગ્યાની આજુબાજુ બની હતી ઘટના 

પોલીસ તપાસમાં જાણકારી મળી કે ભાજપ નેતા અજય શાહને ગત રાતે 10 વાગ્યાની આજુબાજુ તેમના ઘરની નજીકમાં જ ગોળી ધરબી દેવામાં આવી હતી. અજય ભાજપના પટણા જિલ્લાના મહામંત્રી હતા. ઘરની નજીકમાં જ તેઓ દૂધનું પાર્લર ચલાવતા હતા. 

બદમાશોએ પાર્લરમાં જ ગોળી ધરબી દીધી 

બદમાશોએ જે સમયે તેમને ગોળી મારી તે સમયે અજય તેમના પાર્લર પર જ બેઠાં હતા. પોલીસે આ મામલે વધુ તપાસ હાથ ધરી ગોળી મારી ફરાર થઈ ચૂકેલા હત્યારાઓને શોધવા માટે ચક્રો ગતિમાન કર્યા છે. 

પોલીસે આ મામલે શું કહ્યું? 

પોલીસે કહ્યું કે આ હત્યા કયા કારણોસર થઈ તે અંગે હજુ કારણ અકબંધ છે. અમે પરીવારના સભ્યોના નિવેદન લઇને દરેક એંગલથી તપાસ કરવાનો પ્રયાસ કરી રહ્યા છીએ. એફએસએલની ટીમને પણ ઘટનાસ્થળે બોલાવી લેવામાં આવી છે. ઘટનાસ્થળની મુલાકાત વખતે એએસપી શરથ આર.એસે જણાવ્યું કે પ્રાથમિક અહેવાલો અનુસાર બે બદમાશો અજયના પાર્લર પર આવ્યા હતા. તે સમયે કોઈ કહાસુણી થઇ હોવાના દાવા થઇ રહ્યા છે અને આ દરમિયાન જ ફાયરિંગની ઘટના બની હતી.