સાચી પડી રાહુલ ગાંધીની ભવિષ્યવાણી, પીયુષ ગોયલનો Moye Moye વીડીયો, લોકોએ પણ લીધી મજા

તા. 3 ડિસેમ્બર 2023, રવિવાર

ચૂંટણી પરિણામ આવતાં કોંગ્રેસ પાર્ટીને રાજસ્થાન, મધ્યપ્રદેશ અને છત્તીસગઢમાં કારમી હારનો સામનો કરી રહી છે. રાજસ્થાન અને છત્તીસગઢમાં પહેલા કોંગ્રેસની સરકાર હતી. હાર બાદ હવે સોશિયલ મીડિયા પર કોંગ્રેસ પાર્ટી અને રાહુલ ગાંધીને લઈને જોરદાર કોમેન્ટો વાયરલ થઈ રહી છે. ભાજપા સમર્થક જુના વીડિયો શેર કરીને લોકો મજા લઈ રહ્યા છે. આ યાદીમાં કેન્દ્રીય મંત્રી પીયૂષ ગોયલ પણ સામેલ છે.

सच हुई राहुल जी की भविष्यवाणी pic.twitter.com/lXQJCmdHG4

— Piyush Goyal (@PiyushGoyal) December 3, 2023

'સાચી પડી રાહુલ જીની ભવિષ્યવાણી': પીયુષ ગોયલ

પીયુષ ગોયલે રાહુલ ગાંધીનો એક વીડિયો શેર કર્યો છે, જેમા તેમની જીભ લપસી ગઈ હતી અને તેમને રાજસ્થાન અને છત્તીસગઢમાં પોતાની પાર્ટીની સરકાર પડી જવાની વાત કરી હતી. તેમણે રાહુલ ગાંધી પર કટાક્ષ કરતાં સોશિયલ મીડિયા સાઇટ X પર લખ્યું, 'સાચી પડી રાહુલ જીની ભવિષ્યવાણી'. 

199 બેઠકો પર ભાજપની મજબૂત સ્થિતિ

રાજસ્થાન વિધાનસભા ચૂંટણીના મતગણતરીના ટ્રેન્ડમાં ભારતીય જનતા પાર્ટી (BJP) 116 સીટો પર અને કોંગ્રેસ 68 સીટો પર આગળ છે. જેમાં ભાજપના 12 અને કોંગ્રેસના માત્ર 2 ઉમેદવારોએ જીત નોંધાવી છે. ચૂંટણી પંચના જણાવ્યા પ્રમાણે 200માંથી 199 સીટ પર મતગણતરી આજે સવારે 8 વાગ્યે શરૂ થઈ હતી, અત્યારે સાંજના 6.30 કલાક થઈ રહ્યા છે ત્યારની પરિસ્થિતિએ તમામ 199 બેઠકો પર ભાજપની મજબૂત સ્થિતિ જોવા મળી રહી છે.