દિવાળીના દિવસ માટે અમદાવાદ મેટ્રોના સમયમાં કરાયો ફેરફાર, જાણો નવો સમય

અમદાવાદ, તા.10 નવેમ્બર-2023, શુક્રવાર

અમદાવાદ શહેરમાં સવારના 6:30 વાગ્યાથી રાત્રિના 10:00 વાગ્યા સુધી નિયમિત મેટ્રો રેલ સેવાઓ કાર્યરત છે. અમદાવાદ મેટ્રો (Ahmedabad Metro)ના સમયમાં વધુ એક વાર ફેરફાર કરવામાં આવ્યો છે, જો કે આ ફેરફાર દિવાળીના દિવસ પૂરતો એક જ દિવસ માટે છે. ગુજરાત મેટ્રો રેલ કોર્પોરેશને આ અંગે સત્તાવાર જાહેરાત કરી છે. 

ગુજરાત મેટ્રો રેલ કોર્પોરેશનના જણાવ્યાં અનુસાર દિવાળીના તહેવાર નિમિત્તે, જાહેરમાં ફટાકડા ફોડવાની સંભવિત અસરો મેટ્રો રેલની કાર્યકારી સલામતી સાથે મુસાફરોની સલામતી અને સુરક્ષાને પણ અસર કરી શકે છે.

આ સંદર્ભે અને અન્ય મેટ્રો રેલ દ્વારા અનુસરવામાં આવતા ધોરણ મુજબ તા.12-11-2023ના રોજ એક દિવસ માટે મેટ્રો રેલ સેવાનો સમય સવારે 6:20 વાગ્યાથી રાત્રિના 7:20 વાગ્યા સુધી રાખવાનો નિર્ણય કરવામાં આવ્યો છે.