કંગના બાદ ગોવિંદાની પણ રાજકારણમાં રિ-એન્ટ્રી, જાણો કયા પક્ષની ટિકિટ પર લડી શકે છે ચૂંટણી

Govinda may contest election from Mumbai: બોલિવૂડ એક્ટર ગોવિંદા આજે એકનાથ શિંદેને મળ્યા અને શિવસેનામાં જોડાયા. ત્યાતેમને લોકસભા ચૂંટણી માટે ટિકિટ મળી શકે છે. ગોવિંદાને મુંબઈ નોર્થ વેસ્ટ સીટ પરથી ટિકિટ મળી શકે છે. ગોવિંદા કોંગ્રેસની ટિકિટ પર ચૂંટણી લડ્યા છે.અહેવાલો અનુસાર, ગોવિંદા ઉત્તર-પશ્ચિમ મુંબઈ લોકસભા સીટ પરથી એકનાથ શિંદેની આગેવાની હેઠળની શિવસેનાની ટિકિટ પર શિવસેના-યુબીટીના અમોલ કીર્તિકર સામે ચૂંટણી લડી શકે છે, જે શિંદે કેમ્પમાંથી વર્તમાન સાંસદ ગજાનન કીર્તિકરના પુત્ર છે.

એક અઠવાડિયામાં ગોવિંદાની શિંદે સાથે બીજી મુલાકાત 

એક અહેવાલ મુજબ, અભિનેતા અને મહારાષ્ટ્રના મુખ્યમંત્રી શિંદે વચ્ચેની તાજેતરની બેઠક બાદ ગોવિંદાના રાજકારણમાં સંભવિત પ્રવેશ અંગેની અટકળોએ જોર પકડ્યું હતું. ગયા અઠવાડિયે યોજાયેલી આ સીટ પર ગોવિંદાના રાજકીય વાપસીની અફવાઓ તેજ કરી દીધી છે. એક અઠવાડિયામાં ગોવિંદાની એકનાથ શિંદે સાથે આ બીજી મુલાકાત હતી. બુધવારે શિંદે કેમ્પના પ્રવક્તા કૃષ્ણા હેગડે અભિનેતાને તેમના નિવાસસ્થાને મળ્યા હતા.

ગોવિંદા રહી ચૂક્યા છે કોંગ્રેસ સાંસદ 

2004ની લોકસભા ચૂંટણીમાં ગોવિંદાએ મુંબઈ ઉત્તર લોકસભામાંથી કોંગ્રેસના બેનર હેઠળ ચૂંટણી લડી હતી. તેમણે ભાજપના વરિષ્ઠ નેતા રામ નાઈકને હરાવ્યા હતા. જો કે, ગોવિંદાએ પાછળથી 2009ની લોકસભા ચૂંટણી ન લડવાનો નિર્ણય કરીને કોંગ્રેસ પાર્ટી અને રાજકારણથી અલગ થઈ ગયા હતા.

એક્ટર તરીકે સફળ રહી છે સફર 

ગોવિંદાએ પોતાના કરિયરમાં 165થી વધુ બોલિવૂડ ફિલ્મોમાં કામ કર્યું. જેમાં રાજા બાબુ, કુલી નંબર 1, હીરો નંબર 1, બડે મિયાં છોટે મિયાં, ભાગમભાગ, પાર્ટનર જેવી ફિલ્મોએ તેને એક અલગ ઓળખ આપી છે. એક્ટિંગની સાથે તેના ડાન્સિંગ મૂવ્સ પણ ફેન્સને પસંદ આવે છે.