VIDEO | દિલ્હીમાં ટ્રેન દુર્ઘટના, માલગાડીના 10 ડબા પાટા પરથી ખડી પડ્યાં, ફાયરબ્રિગેડ ઘટનાસ્થળે

Delhi Train Accident | દિલ્હીમાં જખીરા ફ્લાયઓવર નજીક આજે સવારે 11:52 વાગ્યે એક રેલવે દુર્ઘટના સર્જાઈ હતી. માલગાડીના 10 ડબા પાટા પરથી ખડી પડ્યાં હતાં. માહિતી મળતાં જ રેલવે અને ફાયરબ્રિગેડની ઘટના સ્થળે બચાવ કામગીરી કરવા પહોંચી ગઇ હતી. આ માલગાડીમાં લોખંડની શીટના રોલ લોડ કર્યા હતા. દુર્ઘટનામાં કોઈ જાનહાનિના અહેવાલ નથી. રેલવેની ટીમ ખડી પડેલાં ડબાઓને સીધા કરવાનો પ્રયાસ કરી રહી છે. ટ્રેકનું સમારકામ પણ ચાલુ છે. સરાઈ રોહિલ્લા રેલવે સ્ટેશન નજીક આ દુર્ઘટના સર્જાઈ હતી.