VIDEO: 'એક-બે દિવસ બજારમાં ન નિકળતા...', બાબા બાલકનાથથી હાર્યા બાદ ઈમરાન ખાનની સમર્થકોને અપીલ

- બાલકનાથે કોંગ્રેસના ઈમરાન ખાનને 6173 મતોના માર્જિનથી હરાવીને જીત મેળવી

જયપુર, તા. 05 ડિસેમ્બર 2023, મંગળવાર

Rajasthan Election 2023 Result: રાજસ્થાનની તિજારા વિધાનસભા બેઠક પરથી કોંગ્રેસના ઉમેદવાર ઈમરાન ખાનનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં ઈમરાન ખાન પોતાના સમર્થકોને એક-બે દિવસ બજારમાં ન જવા માટે અપીલ કરી રહ્યો છે. પ્રાપ્ત માહિતી પ્રમાણે આ વીડિયો ચૂંટણી પરિણામો આવી ગયા બાદનો છે જેમાં તેઓ હાર્યા બાદ પોતાના સમર્થકોને સંબોધિત કરી રહ્યા છે.

વાયરલ વીડિયોમાં ઈમરાન ખાન એવું કહી રહ્યા છે કે, હવે એક-બે દિવસ બજારમાં ન નીકળતા કારણ કે, બીજેપી વાળાની જીતનો જશ્ન મનાવવાની રીત ખૂબ જ ઉગ્ર છે. આગળ ઈમરાન ખાન પોતાના સમર્થકોને કહી રહ્યા છે કે, કોઈની સાથે કોઈ લડાઈ નહોતી. એ તમામ લોકોનો ધન્યવાદ જેમણે મને ચૂંટણીમાં સંપૂર્ણ સહકાર આપ્યો. લોકોને ફરિયાદ પણ હશે કે, હું દરેક ગામો સુધી પહોંચી ન શક્યો પરંતુ તમામે મારા માટે ખૂબ મહેનત કરી. 

तिजारा से कांग्रेस प्रत्याशी रहे इमरान खान कह रहे हैं दो चार दिन बाजार मत जाना भाइयों.. pic.twitter.com/JsN9ZK5sDi

— Santosh kumar Pandey (@PandeyKumar313) December 5, 2023

ઈમરાન ખાનને બાબા બાલકનાથે હરાવ્યા

બાબા બાલકનાથે તિજારા બેઠક પર જીત મેળવી છે. જ્યાં 1951થી 2018 વચ્ચે ભાજપ માત્ર એક જ વખત જીતી હતી. અહીં પોતાના આક્રમક પ્રચારથી બાલકનાથે કોંગ્રેસના ઈમરાન ખાનને 6173 મતોના માર્જિનથી હરાવીને જીત મેળવી છે. આ બેઠક મતદાનની દ્રષ્ટિએ બીજા સ્થાને હતી. અહીં 86.11 ટકા મતદાન થયું હતું.