વાયુસેનામાં સામેલ થશે 12 સુપર સુખોઈ, 13500 કરોડની ડીલ થઈ ફાઈનલ, પાક-ચીનને મળશે જડબાતોડ જવાબ

Sukhoi-30MKI: ચીન અને પાકિસ્તાન એક સાથે યુદ્ધની સ્થિતિને જોતા વાયુસેના પોતાની ક્ષમતામાં વધારો કરી રહી છે. જો બે મોરચે એકસાથે યુદ્ધ લડવાનું થાય તો તેને 42 સ્ક્વાડ્રન સ્ટ્રેન્થની જરૂરિયાત હશે, જ્યારે હજુ માત્ર 31 જ છે. તેને જોતા વાયુસેનાને 12 સુખોઈ વિમાનોની ડીલ કરી છે. ભારત સરકારની સુરક્ષા મામલાની કેન્દ્રીય મંત્રિમંડળ સમિતિ એટલે CCSએ મોટો નિર્ણય લેતા વાયુસેના માટે 12 સુખોઈ-30 ફાઇટરની ખરીદી પર મહોર લગાવી દીધી છે. આ વિમાનો માટે હિન્દુસ્તાન એયરોનોટિક્સ લિમિટેડ(HAL)ની સાથે 13500 કરોડ રૂપિયાની ડીલ પણ સાઈન કરી લીધી.

શું હશે ખાસિયત?

આ Su-30MKIને સ્વદેશી ટેક્નિકથી એડવાન્સ કરવામાં આવશે. તેમાં ખતરનાક સ્ટેલ્થ ટેક્નોલોજી, AESA રડાર, મિશન કોમ્પ્યુટર, ઇલેક્ટ્રોનિક વોરફેયર સુઈટ, કોકપિટ લેઆઉટ અને હથિયારોની સિસ્ટમ બદલવાના છે. નવા અપગ્રેડેડ Su-30MKIમાં વધુ એડવાન્સ એક્ટિવ ઇલેક્ટ્રોનિકલી સ્કેન્ડ એરે(AESA) રડાર લગાવવામાં આવશે. આ દુશ્મનને લાંબા અંતરેથી જ પારખી લેશે. યુદ્ધ દરમિયાન વિમાનની સિચુએશનલ અવેરનેસ અને બચવાની સંભાવનાઓ વધી જશે.

ઇન જેટનું નિર્માણ HALની નાસિકની ફેક્ટરીમાં કરવામાં આવશે અને તેમાં સ્વદેશીકરણનો ભાગ 62.6 ટકા હશે. આ ફેક્ટરીમાં પહેલા મિગ અને ત્યારબાદ રશિયાથી લાઇસન્સ હેઠળ સુખોઈ-30 ફાઇટર જેટ્સનું ઉત્પાદન થઈ ચૂક્યું છે.

નવા સુખોઈ વિમાનો પર નવા ઇલેક્ટ્રોનિક વોરફેયર સુઈટ લગાવવામાં આવશે, જે તે દુશ્મનના રડારમાં આવવાથી બચાવશે. તેમાં સેલ્ફ પ્રોટેક્શન જૈમર્સ હશે. શૈફ અને ફ્લેયર્સ ડિસ્પેન્સર્સ હશે, જેથી ઇમરજન્સી પરિસ્થિતિમાં સુખોઈ ફાઇટર ખુદને અને પ્લેનને બચાવી શકાય. Su-30MKIને મેન્ડ-અનમેન્ડ ટીમિંગ ટેક્નિકથી સજ્જ કરવામાં આવશે. આ ફાઇટર જેટની સાથે હુમલાખોર કે દેખરેખ કરનારા ડ્રોન્સ પણ ઉડાન ભરી શકશે. તેમાં 30MMની ગ્રિજેવ-શિપુનોવ ઓટોકેનન લાગેલી છે જે એક મિનિટમાં 150 રાઉન્ડ ફાયર કરે છે.