સિક્યુરિટી ખરેખર પાંગળી છે ,સૈફની પડોશી કરિશ્મા તન્નાનો બળાપો

સિક્યોરિટી જવાનો પણ તાલીમ બદ્ધ નથી

બહુ સમયથી સોસાયટીને સિક્યોરિટી વધારવા માગણી કરી હતી, હવે સોસાયટી કમિટીએ મીટિંગ બોલાવી

મુંબઈ -  સૈફ અલી ખાનની બિલ્ડિંગંમાં જ રહેતી એકટ્રેસ કરિશ્મા તન્નાએ કબૂલ્યું હતું કે તેમની બિલ્ડિંગમાં ંસિક્યોરિટી વ્યવસ્થા ખરેખર બહુ પાંગળી છે. આ બાબતે સોસાયટીની મેનેજિંગ કમિટીેએ પણ સમીક્ષા કરી છે. 

અભિનેત્રીએ જણાવ્યું હતુ ંકે, સૈફ સાથેની ઘટના એકલ-દોકલ બ્લિડિંગના રહેવાસીઓ માટે ચેતવણી સમાન છે. હું તો મારી હાઉસિંગ સોસાયટીને ઘણા સમયથી સિક્યોરિટીમાં વધારો કરવાની   માંગણી કરી રહી છું.એટલું જ નહીં વોચમેન પણ  એવા તાલીમબદ્ધ હોવા જોઇએ જેઓ ઇમરજન્સી દરમિયાન પોતાની ફરજ બરાબર બજાવી શકે. ચોર ઘરમાં ઘુસે પછી ઘરના રહેવાસીઓ તેમનો સામનો કઇ રીતે કરી શકે એ એક પ્રશ્રાર્થ છે. 

તેણે કહ્યું હતું કે મને ખાતરી છે કે, હવે મારી હાઉસિંગ સોસાયટી પણ સિક્યોરિટી ગાર્ડને વધારશે.