રશિયાનું કોમન ગુલ પંખી મહારાષ્ટ્રમાં પહેલીવાર વિરારમાં દેખાયું

અર્નાળાના મામચી વાડી વિસ્તારમાં પક્ષી નિરીક્ષકોએ નિહાળ્યું

ભાગ્યે જ ભારતનું મહેમાન બનતું પક્ષી અગાઉ ગુજરાત, ગોવામાં આવી ચૂક્યું છે, પહેલીવાર મહારાષ્ટ્રની મુલાકાત

મુંબઈ : શિયાળાની શરૃઆત સાથેવિવિધ પ્રકારના પક્ષીઓ વસઈ-વિરારના રમણીય વાતાવરણમાં આવતાં જોવા મળી રહયા છે. તાજેતરમાં,  પક્ષી નિરીક્ષકોએ વિરારના મામાચી વાડી વિસ્તારમાં 'સામાન્ય કુરવ' પક્ષીના દર્શન કર્યા છે. પક્ષીવિદોએ દાવો કર્યો છે કે રાજ્યમાં આ પ્રકારનું પક્ષી પ્રથમ વખત જ જોવા મળ્યું છે.

વસઈનો વિસ્તાર રમણીય છે અને આ વિસ્તારની ભીની જમીનમાં મોટી સંખ્યામાં પક્ષી આશ્રય માટે આવે છે. ખાસ કરીને શિયાળો શરૃ થતાં જ પક્ષીઓની વિવિધ પ્રજાતિઓ આ વિસ્તારમાં સ્થળાંતર કરે છે.

 પક્ષી નિરીક્ષકો વિવિધ પક્ષીઓની પ્રજાતિઓનો અભ્યાસ કરવા અને નિરીક્ષણ કરવા માટે વેટ લેન્ડઝની મુલાકાત લે છે. તાજેતરમાં વસઈ પક્ષી નિરીક્ષકોનું એક જૂથ વિરાર અર્નાળા પાસે મામાચી વાડી વિસ્તારમાં પક્ષી નિરીક્ષણ માટે ગયા હતા.આ કિનારે પક્ષીનિરીક્ષણ કરતી વખતે, તેમને કાળા પીઠવાળા કુરવ પક્ષીઓના ટોળામાં એક નાનું કુરવ પક્ષી જોવા મળ્યું હતું. 

શરૃઆતમાં તે પક્ષી વિશે ઉત્સુકતા જાગી કારણ કે તે પક્ષીની ભીડથી અલગ હતું. આ નિરીક્ષકોએ તેના વિશે વધુ જાણવા માટે ચિત્રો લીધા અને પક્ષી નિષ્ણાતોને મોકલ્યા. આ સમયે, નિષ્ણાતોએ આ પક્ષીની તપાસ કરી અને સમજાવ્યું કે તે 'કોમન ગુલ' છે.આ ઉપરાંત પક્ષીવિદ્ રમેશ શેનાઈએ માહિતી આપી હતી કે, મહારાષ્ટ્ર રાજ્યમાં આ પ્રથમ વખત નોંધાયું છે. ઉલ્લેખનીય છે કે વસઈ-વિરાર કોસ્ટલ બેલ્ટ વિસ્તારમાં વિશાળ વેટલેન્ડ વિસ્તાર છે. 

કોણ છે 'કોમન ગુલ'..

આ પ્રજાતિ સામાન્ય રીતે યુરોપમાં જોવા મળે છે તેથી તેનું નામ 'કોમન ગુલ' છે. તે રશિયન ટુંડ્રામાં વિદેશમાં પ્રજનન કરે છે અને શિયાળામાં તેના દક્ષિણી દેશોમાં સ્થળાંતર કરે છે. ભાગ્યે જ ભારત આવે છે. અગાઉ ગુજરાત, ગોવા, કેરળ, દિલ્હી, ઉત્તરાખંડ જેવા રાજ્યોમા દેખાયું હોવાના રેકોર્ડ છે. નિષ્ણાતોએ જણાવ્યું છે કે આ પક્ષી મહારાષ્ટ્ર રાજ્યમાં પહેલીવાર જોવા મળ્યું છે. 

વેટલેન્ડ સંરક્ષણની જરૃરિયાત

અહીં વેટ લેન્ડસ છે જે જૈવવિવિધતા અને મહત્વપૂર્ણ પક્ષીઓના નિવાસસ્થાનોથી સમૃદ્ધ છે. પરંતુ, વર્તમાન પરિસ્થિતિમાં વેટલેન્ડ અતિક્રમણ અને અન્ય સમસ્યાઓનો સામનો કરી રહ્યા છે. પક્ષીવિદોએ એવો અભિપ્રાય વ્યક્ત કર્યો છે કે આવા વેટલેન્ડ્સનું સંરક્ષણ જરૃરી બની ગયું છે જેથી વેટલેન્ડ અને તેની જૈવવિવિધતાનું રક્ષણ થાય તો જ પક્ષીઓની વિવિધ પ્રજાતિઓ તે સ્થળોએ આવે.