રાતના ત્રણ વાગ્યે ધારાસભ્ય પોલીસ સ્ટેશનમાં આવ્યા, આલ્કોહોલ ટેસ્ટમાં વિલંબ...: બે લોકોને કચડનાર નબીરાને બચાવવા પ્રયાસ?

Image Source: Twitter

Pune Porsche car accident: પૂણે પોર્શ અકસ્માતમાં બે યુવકોના મોતનો મુદ્દો આખા દેશમાં ચર્ચાનું કેન્દ્ર બન્યો છે. હવે સવાલ ઉઠી રહ્યો છે કે, શું આરોપીઓને બચાવવાનો પ્રયાસ કરવામાં આવ્યો હતો? એક ધારાસભ્યનું સવારે 3:00 વાગ્યા બાદ પોલીસ સ્ટેશન પહોંચવું, આઠ કલાક બાદ બ્લડમાં આલ્કોહોલની તપાસ તથા જુવેનાઈલ જસ્ટિસ બોર્ડ દ્વારા નરમ વલણ અપનાવવાનો આરોપ લાગી રહ્યો છે. 

બે લોકોના થયા છે મોત

પૂણેના કલ્યાણી નગર વિસ્તારમાં કામ કરનારા એન્જિનિયર અનીશ અવધિયા અને અશ્વની કોષ્ટાને રવિવારે સવારે લગભગ 2:30 વાગ્યે એક તેજ રફ્તાર પોર્શ કારે ટક્કર મારી હતી જેને કથિત રીતે એક 17 વર્ષીય યુવક ચલાવી રહ્યો હતો. આરોપીનો પિતા પૂણેમાં એક પ્રમુખ રિયલ એસ્ટેટ બિઝનેસમેન છે. 

આ ઘટનાના એક કલાક કરતા પણ ઓછા સમય બાદ સ્થાનિક ધારાસભ્ય સુનીલ ટિંગરેને આરોપી યુવકના પિતાનો ફોન આવ્યો અને તેઓ એ પોલીસ સ્ટેશન પહોંચ્યા જ્યાં તેને લઈ જવામાં આવ્યો હતો. સુનીલ ટિંગરેએ કહ્યું કે, આ ફોન પોલીસ પર દબાવ બનાવવા માટે નહોતો આવ્યો. તેમણે કહ્યું કે, તમે મારો કોલ રેકોર્ડ જોઈ શકો છો. મેં આરોપી વિરુદ્ધ કેસ નબળો પાડવા માટે કોઈ પોલીસ અધિકારી કે, રાજનેતાને કોલ નહોતો કર્યો. મારા રાજકીય વિરોધીઓ મને બદનામ કરવા માટે ખોટી અફવા ફેલાવવાનો પ્રયાસ કરી રહ્યા છે. 

સુનીલ ટિંગરેએ જણાવ્યું કે, રવિવારે મારા પીએ અને મને આરોપીના પિતાનો સવારે 3:20 વાગ્યે ફોન આવ્યો. ધારાસભ્યએ કહ્યું કે, તેમણે મને જણાવ્યું કે, મારા પુત્રનું એક્સિડન્ટ થઈ ગયુ છે અને ભીડ તેને મારી રહી છે. હું ઘટના સ્થળ પર પહોંચ્યો પરંતુ છોકરાને પહેલા જ યેરવડા પોલીસ સ્ટેશન લઈ જઈ ચૂક્યા હતા. હું ત્યાં ગયો પરંતુ ઈન્સ્પેક્ટર હાજર નહોતો. તેઓ એક કલાક કરતા વધુ સમય બાદ આવ્યો. બહાર ખૂબ ભીડ હતી. 

ઈન્સ્પેક્ટરે ધારાસભ્યને આપી જાણકારી

સુનીલ ટિંગરેએ જણાવ્યું કે, મને ઈન્સ્પેક્ટરે જણાવ્યું કે, છોકરો આ અકસ્માતમાં સામેલ હતો જેમાં બે લોકોના મોત થઈ ગયા છે. ધારાસભ્યએ કહ્યું કે, જ્યારે તેમણે મને આ મામલાની ગંભીરતા જણાવી તો મેં તેમને કાયદા પ્રમાણે કામ કરવા જણાવ્યું. જ્યારે હું બહાર આવ્યો આરોપી છોકરાના પિતાને મળ્યો અને તેમને દુર્ઘટના અંગે જણાવ્યું. છોકરાના પિતાને પણ પોલીસ સ્ટેશન પહોંચ્યા બાદ મૃત્યુની જાણ થઈ હતી. 

ધારાસભ્યએ એ આરોપોનો પણ ઈનકાર કરી દીધો કે, તમણે છોકરાને પિઝા અને પાણી નહોતું આપ્યું. તેમણે કહ્યું કે,  હું છોકરાને નહોતો મળ્યો અને તેની સાથે કોઈ વાત નથી કરી. હું તેને પિઝા કઈ રીતે આપી શકું. 

.....તો હું આરોપીનો બચાવી શક્યો હોત

સુનીલ ટિંગરેએ જણાવ્યું કે, પોલીસ સ્ટેશનથી નીકળ્યા બાદ મેં આરોપીના પિતાને ફોન કર્યો અને સાંજે પોલીસ અધિકારીઓને મળીને આ કેસની માહિતી લીધી. તેમણે કહ્યું કે, ત્યાં સુધીમાં કેસ પહેલા જ નક્કી થઈ ચૂક્યો હતો. મારા દ્વારા આ કેસને પ્રભાવિત કરવાનો સવાલ જ ક્યાં ઉઠે? જો મારો આવો કોઈ ઈરાદો હોત તો હું તેને બચાવી શક્યો હોત અને તેનું નામ સામે ન આવવા દીધું હોત.