45 વર્ષમાં 156 ફિલ્મો બદલ ચિરંજીવીને ગિનીઝ બૂકમાં સ્થાન

537 ગીતમાં 24000 ડાન્સ મૂવ્ઝ  કર્યાં

ચિરંજીવીને ફિલ્મોમાં સૌથી પ્રચૂર માત્રામાં કામ કરનારો એક્ટર ગણાવાયો

મુંબઇ :  સાઉથના મેગા સ્ટાર ચિરંજીવીને ગિનીઝ બૂક ઓફ વર્લ્ડ રેકોર્ડઝમાં સ્થાન અપાયું છે. તેને સૌથી પ્રચૂર માત્રમાં કામ કરનારો એક્ટર ગણાવાયો છે. 

ચિરંજીવીએ ૪૫ વર્ષની કારકિર્દીમાં ૧૫૬ ફિલ્મોમાં કામ કર્યું છે. આ ફિલ્મોમાં તેના પર ૫૩૭ ગીતો પિક્ચરાઈઝ થયાં છે અને તેમાં તેણે ૨૪,૦૦૦ ડાન્સ મૂવ્ઝ  દર્શાવ્યાં છે. 

રસપ્રદ વાત એ છે કે ચિરંજીવીએ ૧૯૭૮ની ૨૨મી સપ્ટેમ્બરથી પોતાની કારકિર્દી શરુ કરી હતી અને તેને આ રેકોર્ડ સર્ટિફિકેટ પણ ૨૨મી સપ્ટેમ્બર જ એનાયત કરાયું હતું. 

ચિરંજીવીએ આ સમારંભની તસવીરો સોશિયલ મીડિયા પર શેર કરી હતી. સાઉથના કલાકારો ઉપરાંત ચાહકોએ તેને આ સિદ્ધિ બદલ અભિનંદન પાઠવ્યાં હતાં.