વિદ્યાર્થીઓ દ્વારા જાતીય સંબંધ પર પ્રતિબંધનો કાયદો લાવોઃ કંગના

- સ્ત્રીને લલચાવી છોડી દેનારા સામે પણ કાયદો  બને

- હવે સંબંધોમાં ચીટિંગ પર પ્રતિબંધ એવા ફેક ન્યૂઝ પર રિએક્શન બાદ પોસ્ટ ડિલીટ કરી

કંગનાએ પોતાની પોસ્ટમાં લખ્યું હતું કે સરકાર સંબંધોમાં બેવફાઈ પર પ્રતિબંધ લાવી રહી છે. તો તેની સાથે હુ સરકારને વિનંતી કરું છું કે કોઈ પુરુષ સ્ત્રીને લલચાવી ઉપભોગ કરી છોડી દે તેના પર પણ પ્રતિબંધ આવવો જોઈએ અને તેવા કિસ્સામાં પુરુષે સ્ત્રીને આજીવન ભરણપોષણ ચુકવવું પડે તેવી જોગવાઈ થવી જોઈએ. ટૂંકા સમયગાળા માટે જાતીય સંબંધો કે એકથી વધુ પાર્ટનર સાથેના સંબંધો પર પણ પ્રતિબંધ હોવો જોઈએ.  ભારતમાં જાતીય સંબંધો માટે પણ એક લઘુત્તમ વયમર્યાદા નક્કી થવી જોઈએ અને બાળ લગ્નોની સાથે સાથે આજકાલ મોટાં શહેરોમાં શાળાએ જતાં બાળકો પણ સોશિયલ મીડિયા થકી સંબંધો વિકસાવે છે અને જાતીય સંબંધોમાં રાચે છે તે પ્રતિબંધિત થવું જોઈએ. 

જોકે, બાદમાં કંગનાને ખ્યાલ આવ્યો હતો કે વાસ્તવમાં સરકાર સંબંધોમાં ચીટિંગ પર પ્રતિબંધ લાવતો કોઈ કાયદો લાવવાની નથી આથી તેણે પોતાની પોસ્ટ ડિલીટ કરી હતી. જોકે, ત્યાં સુધીમાં સંખ્યાબંધ નેટ યૂઝર્સએ કંગના પર ટીકાની ઝડીઓ વરસાવી હતી. કેટલાક લોકોએ લખ્યુ ંહતું કે કંગનાને પોતાને ભૂતકાળમાં પ્રેમમાં બેવફાઈનો અનુભવ થઈ ચૂક્યો છે અને તેનો ઊભરો તે અહીં ઠાલવી રહી છે.