કાસ્ટ રિઝર્વેશન અંગે અભિપ્રાય આપતો મેસજ ગુનો નથી : હાઇ કોર્ટ

યુવતીને  મુક્ત કરતા ટ્રાયલ કોર્ટના ચુકાદાને બોમ્બે હાઇ કોર્ટની બહાલી

પ્રેમસંબંધનો અંત લાવનારી યુવતી સામે સોફ્ટવેર એન્જિનિયરે ફરિયાદ કરી હતી

બોમ્બે હાઇકોર્ટના જસ્ટિસ ઉર્મિલા જોશી-ફાળકેએ શુક્રવારે આપેલા આદેશમાં કહ્યું કે 'જાતિ આધારિત અનામતની પ્રથા સામે મેસેજિસમાં વિચારો રજૂ કરવામાં આવ્યા હતા. શિડયુલ્ડ કાસ્ટ અથવા શિડયુલ્ડ ટ્રાઇબના સભ્યો સામે ધિક્કાર અથવા વેરઝેર વધે તેવો કોઈ પ્રયત્ન થયો હતો તેવું વોટ્સએપ ચેટ્સમાં કંઈ નથી. આરોપીનું લક્ષ્ય ફક્ત ફરિયાદી હતો, તેવું વધુમાં વધુ કહી શકાય છે. એસસી અથવા એસટી વિરુદ્ધ શત્રુતા અથવા ધિક્કાર સર્જાય તેવો એક પણ શબ્દ આરોપી નંબર ૧ (મહિલા)એ લખ્યો નથી.'

૨૯ વર્ષીય સોફ્ટવેર એન્જિનિયર અને ૨૮ વર્ષીય મહિલા વચ્ચેના પ્રેમ સંબંધને લગતો કેસ હતો. તેમણે પોતાના પરિવારના સભ્યોને જણાવ્યા વગર મંદિરમાં લગ્ન કરી લીધા હતા. 

યુવાન શિડયુલ્ડ કાસ્ટનો હતો તેવી મહિલાને કથિત રીતે ખબર પડી હતી તે પછી સંબંધમાં ખટાશ આવી હતી. યુવાને મહિલા સામે ફરિયાદ નોંધાવી હતી. એસસી સામે અપમાનજનક અને શત્રુતા વધે તેવા મેસેજ મોકલ્યા હતા તેવી ફરિયાદ યુવાને કરી હતી.

મહિલાના કૃત્યને કથિત રીતે ટેકો આપવા બદલ મહિલાના પિતાનું નામ પણ ફરિયાદમાં લખાવ્યું હતું.

ટ્રાયલ કોર્ટે મહિલા અને તેમના પિતાને વર્ષ ૨૦૨૧ની પાંચમી ઓગસ્ટે આરોગ્યમંત્રી મુક્ત કર્યા હતા ફરિયાદીએ હાઇ કોર્ટમાં અપીલ કરી હતી. સમાજ વચ્ચે ધિક્કાર અને વૈમનસ્ય ફેલાવવાનો પ્રયત્ન મેસેજમાં કરાયો તેવી દલીલ ફરિયાદીના એડવોકેટે કરી હતી. કાસ્ટ રિઝર્વેશન સિસ્ટમ સામે મહિલાએ અંગત લાગણી દર્શાવી હતી અને તેમાં કોઈ અપમાનજનક ભાષા નહીં હતી, તેવી દલીલ બચાવ પક્ષના એડવોકેટ્ કરી હતી. ફરિયાદ નોંધાવવામાં થયેલા વિલંબ અંગે પણ બચાવ પક્ષે ધ્યાન દોર્યું હતું અને આક્ષેપો પાછળ ખોટો ઇરાદો હોવાના સંકેત આપ્યા હતા.

જસ્ટિસ જોશી-ફાળકેએ એસસી/એસટી એટ્રોસિટી એક્ટના રક્ષણાત્મક હેતુ પર ભાર મૂક્યો હતો. તેમણે અવલોકન કર્યું હતું કે 'એસસી અને એસટીની સામાજિક-આર્થિક પરિસ્થિતિ બહેતર કરવાનો અને તેમને હેરાનગતિ, અપમાન સામે રક્ષણ આપવા એટ્રોસિટીસ એક્ટ ઘડવામાં આવ્યો હતો.'

તેઓ કોઈ સમાજના છે આથી તેમની સામે કરાયેલા કૃત્યોને સજા આપવાનો કાયદાનો હેતું છે.

'મહિલાના મેસેજ વાંચવાથી ખબર પડે છે કે જાતિ અનામત પ્રથા અંગેનો અભિપ્રાય દર્શાવવામાં આવ્યો છે. તેવું કોર્ટે કહ્યું હતું.

કોર્ટે ફરિયાદીની અપીલ ફગાવી દીધી હતી અને આરોપીઓને છોડી મૂકવાના ટ્રાયલ કોર્ટના ચુકાદાને યથાવત્ રાખ્યો હતો.